فۆتۆ:
2021-06-18
299 جار خوێندراوەتەوە
وەزیرێ پەروەردا هەرێمێ ڕاگەهاند، ل سالا نوییا خاندنێ ئەو وانەیێن نەهاتینە خاندن ئەڤ سالە دێ هێنە قەرەبووکرن و بۆ وێ مەرەمێ ژی "مە بەرنامە و پلانێن گونجای ئامادەکرنە".
ئالان حەمە سەعید وەزیرێ پەروەردا هەرێمێ بۆ میدیایێن فەرمی یێن پارتی گوتیە، "ڕەوشا کۆرۆنایێ کاریگەریەکا مەزن لسەر کەرتێ پەروەردێ هەبوویە"، دبیژیت ژی، وان پێتڤی ب چەند سالان هەیە بۆ وێیەکێ قەرەبوویا زیانێن کۆرۆنایێ بۆ پرۆسەیا پەروەردێ بکەن و داخاز ژی ل وەزارەتا ساخلەمیێ کریە ڤاکسینێ بۆ هەمی ماموستا و قوتابیان دابین بکەتن.
دەربارەی ماموستایێن وانەبێژ ژی، وەزیرێ پەروەردێ بەحسا وێیەکێ کریە، "ماموستایێن وانەبێژ رۆلەکێ گرنگ د پرۆسەیا پەروەردێ دا هەیە و ل گۆرەی ڕەوشا دارایی ئەوا دشیانێت مە دا هەبیت مە کێمتەرخەمی نەکریە".
د دەمەکی دایە، وەزارەتا پەروەردا هەرێمێ بڕیاردایە ل ٢٢ی ڤێ مەهێ تاقیکرنێن هەمی پۆلا دەستپێبکەن ژبلی پۆلا نەهـ و دوازدێ، زێدەباری وێیەکێ کو د ئەڤ سالەدا کێمترین بەش خاندنە.
و.ح