فۆتۆ:
2021-06-18
639 جار خوێندراوەتەوە
پشتی نیڤرۆیا ئەڤرۆ ل باژارێ زاخۆ تەقە ل گەنجەکی هاتیەکرن و ب دژواری برینداربووی ل نەخوشخانەیا هەوارهاتنێ ل باژارێ دهۆکێ ژیانا خۆ ژ دەستدا.
ئەمیر عەلی، بەرپرسێ ڕاگەهاندنا ساخلەمیا زاخۆ بۆ ئێن ئاڕ تێ ڕاگەهاند، پشتی نییڤرۆیا ئەڤرۆ نێزیک دەمێژمێر ٢:٣٠ خۆلەک ل باژارێ زاخۆ بسەدەما تەقەکرنێ گەنجەکێ ٢٠ سالی ب دژواری بریندارببوو و ژبوی نەخۆشخانەیا هەوارهاتنێ ل دهۆکێ هاتبوو ڤەگوهاستن پشتی نێزیکی چار دەژمێران ژیانا خۆ ژ دەستدا.
ئاماژە ب وێیەکێ ژی کر، پشتی ئەو بریندارە گەهاندینە نەخۆشخانا هەوارهاتنێ ل زاخۆ نەشتەرگەریەک بۆ هاتبوو ئەنجامدان ژبەر دژواریا برینا وی بۆ نەخۆشخانەیا هەوارهاتنێ ل دهۆکێ هاتبوو ڤەگوهاستن.
ل گۆرەی زانیاریێن وەحید سندی نووچەگەهانێ ئێن ئاڕ تی، ئەوی گەنجێ تەقەکری چەندین جاران ژ ئالیێ دادگەهێ ڤە هاتیە داخازکرن لێ ئەو بەرهەڤنەبوویە و پشتی پۆلیس دچنە جهێ وی دا دەستەسەربکەن، ئەو تەقەیێ دکەت و دئەنجامدا هەڤالێ خۆ برینداردکەت پشتر بۆ جهەکێ نەدیار دڕەڤیت و هێشتا نەهاتیە دەستەسەرکرن.
ئەڤە د دەمەکی دایە، دوو شەڤان بەریا نها ژی و پشتی سێ رۆژان ژ بەرزەبوونێ تەرمێ گەنجەکێ نێزیکی ٢٠ سالی ل قەزار زاخۆ هاتیە دیتن و هەیا نها ل نوژداریا دادا دهۆکێ یە و دیار نەبوویە کا بدروستاهی ئەو گەنجە کی یە و سەدەمێ ژیان ژ دەستدانا وی ژی نەهاتینە زانینن.
و.ح