فۆتۆ:
2021-06-18
396 جار خوێندراوەتەوە
ئەڤرۆ نێزیک دەمێژمێر ٢:٣٠ خۆلەکێن پشتی نیڤرۆ ل باژارێ زاخۆ بسەدەما تەقەکرنێ گەنجەکێ ٢٠ سالی ب دژواری برینداربوو و بۆ نەخۆشخانەیا هەوارهاتنێ ل دهۆکێ هاتیە ڤەگوهاستن.
ئەمیر عەلی، بەرپرسێ ڕاگەهاندنا ساخلەمیا زاخۆ بۆ ئێن ئاڕ تێ ڕاگەهاند، نیڤرۆیا ئەڤرۆ تەرمێ گەنجەکێ ب برینداری گەهاندنە نەخۆشانا هەوار هاتنێ ل زاخۆ کو جهێ گولەیەکێ لسەر زکێ وی بوو و ب دژواری برینداربوو.
ئاشکرا ژی کر، ل زاخۆ نەشتەرگەریەك بۆ ھاتیە ئەنجامدان و پاشان ژ بەر دژواریا برینا وی ھاتیە ڤەگوهاستن بۆ نەخۆشخانەیا هەوارهاتنێ ل دھۆكێ.
ل گۆرەی زانیاریێن وەحید سندی نووچەگەهانێ ئێن ئاڕ تی، ئەوی گەنجێ تەقەکری چەندین جاران ژ ئالیێ دادگەهێ ڤە هاتیە داخازکرن لێ ئەو بەرهەڤنەبوویە و پشتی پۆلیس دچنە جهێ وی دا دەستەسەربکەن، ئەو تەقەیێ دکەت و د ئەنجامدا هەڤالێ خۆ برینداردکەت.
ئەڤە د دەمەکی دایە، دوو شەڤان بەریا نها ژی و پشتی سێ رۆژان ژ بەرزەبوونێ تەرمێ گەنجەکێ نێزیکی ٢٠ سالی ل قەزار زاخۆ هاتە دیتن و هەیا نها ل نوژداریا دادا دهۆکێ یە و دیار نەبوویە کا بدروستاهی ئەو گەنجە کی یە و سەدەمێ ژیان ژ دەستدانا وی ژی نەهاتیە زانیینن.
و.ح