فۆتۆ:
2021-06-18
378 جار خوێندراوەتەوە
جیگرێ سەرۆکێ هەرێما کوردستانێ ڕاگەهاند، دنهادا بزاڤەک هەیە بۆ دروستکرنا شەرەکێ نەخواستی دناڤبەرا پەکەکێ و هێزێن پێشمەرگەیدا دناڤا ئاخا هەرێما کوردستانێ دا.
جەعفەر مستەفا جیگرێ سەرۆکێ هەرێما کوردستانێ دپەیامەکێدا هایداریێ لسەر دورستبوونا شەری دناڤبەرا هێزێن پێمشەرگە و پارتا کرێکارێن کوردستانێ (پەکەکە) دا ددەت و دبێژیت، ئەوا نها روویددەت پیلانا نەیارێن دژی کوردانە، دخوازیێن کوردیێن هەر چار پارچەیێن کوردستانێ دەست دناڤ دەستی دا بن ژبوی چارەسەریێن بنەرەتی لسەر هەمی وێ زۆلما بدرێژیا مێژوویێ ل وان دهێتەکرن.
بەحسا وێیەکێ ژی کر، دگەل هاتنا چ هێزێن بیانی نینن، کو سنور و سەروەریا هەرێمێ ببەزینن، دهەمان دەمژی دا، رێزێ ل وان پارتێن سیاسی ژی دگرین، کو ل هەرێمێ دروستبوونە و رێک ب وان هاتیەدان کاروچالاکیێن سیاسی ئەنجامبدەن، لێ چ جاران نەدگەل وێیەکێ نینن، کو ببنە سەدەمێن شەر و نەئارامیێ و سەدەما چولکرن و مال وێرانکرن و شەهیدکرنا بدەهان خەلێ سڤیل ل دەڤەرێ.
جەعفەر مستەفا دبێژیت ژی، سەنگەر ل ئێک و دوو گرتن خزمەتا دوژمنێ گەلەکێ ستەمکار و گوهۆرینا هەمی خەون و هیڤیێن رۆژانە یێن تژی ژ خەبات و تێکوشان و بهەدەردانا خۆینا شەهیدان دکەن.
ئەو ژی د دەمەکی دایە، چەند مەهەکن تورکیا دەست ب هێرشان ل هەرێما کوردستانێ کریە و دگەل پەکەکێ ژی چەندین جاران روبروویێ ئێک و دوو بوونە، کو ب وێ سەدەمێ چەندین کەس هاتنە کوشتن و برینداربوون و زیان گەهشتنە چەندین دەڤەرێن سنوری.
ل گۆرەی گوتنا وەزارەتا پێشمەرگەی، رۆژا ٥ی ڤێ مەهێ، ل سنورێ چیایێ مەتینا پەکەکێ هێرشکرە سەر هەژمارەکا پێشمەرگەیان و ب وێ سەدەمێ ژی، پێنج پێشمەرگە شەهید و حەفتێن دی ژی بریندارببوون.
هەڤدەم، ٨ی ڤێ مەهێ ژی وەزارەتا پێشمىەرەی گوت، ل ناحیا دەرکارێ ل قەزا زاخۆ ب چەکێ قەناسێ پێشمەرگەیەک هاتە شەهیدکرن و پەکەکە ئەمجامدەرێن هێرشێ بوویە.
و.ح