فۆتۆ:
2021-06-18
305 جار خوێندراوەتەوە
ل یادا دەربازبوونا ٧٤ سالان ب سەر دەربازبوونا بارزانى ل رووبارێ ئاراس دا سەرۆکێ پارتى دیموکراتى کوردستان، پشتى ژناڤچوونا کۆمارا کوردستان ل مەهاباد، هەمى بزاڤێن دووژمنان ئەو بوون، کو داویی ب خەبات و تێکۆشینا گەلێ ستەم لێکریێ کورد بینن و ئیرادا مرۆڤێ کورد بشکێنن.
مەسعود بارزانى ل سالڤەگەرا دەربازبوونا مەلا مستەفا بارزانى و هەڤالێن وى ل رووبارێ ئاراس پەیامەک بەلاڤکریە و ئاماژە ب وێیەکێ کر، ٧٤ سال ب سەر داستانا مێژووى یا دەربازبوونا بارزانى و هەڤالێن وى د رووبارێ ئاراس دا، کو ل ١٨ێ حوزەیرانا سالا ١٩٤٧ێ دا پشتى ٥٣ێ رۆژان شەڕ و بڕینا سنورێن ئیران و عێراق و تورکیا و بەرهنگاربوونا ئارتێش و چەکدارێن سێ وەلاتان و پوچکرنا گەفێن دووژمنان د رێیەکا دوور و درێژ و نەخۆش دا، شیان ل رووبارێ ئاراس دا دەربازببن و بچنە ئاخا یەکێتى یا سۆڤییەت.
بەحسا وێیەکێ ژى کر، وێ داستانێ رەهەندێن نەتەوەی و مێژووى و سیاسى و سەربازیێن مەزن هەبوونە و کارگەریەکا ئێک ئالیی لسەر مانا دوزا رەوایا کوردان د وى دەمى دا و د قوناغێن داهاتى دا بجهـ هێلان.
د پەیاما خۆ دا، مەسعود بارزانى دیارکر ژى، پشتى ژناڤچوونا کۆمارا کوردستانێ ل مەهاباد، هەمى بزاڤێن دووژمنان ئەو بوون، کو داویێ ب خەبات و تێکوشینا گەلێ ستەملێکریێ کوردا بینن و ئیرادا مرۆڤێ کورد بشکێنن، لێ د وێ داستانا مێژووی دا ئیرادا گەلێ کورد ب سەر پیلانا دووژمنان سەرکەفت.
مستەفا بارزانى ل رۆژا ١٨ى ٦ سالا ١٩٤٧ێ داوى کەسێ وى کاروانى بوو کو ژ رووبارێ ئاراس دەربازبووى و بەرەڤ یەکێتى یا سۆڤیەت ڤە چووى.
د.ش