فۆتۆ:
2021-06-18
457 جار خوێندراوەتەوە
هەڤسەرۆکێ بەرێ یێ هەدەپێ سەلاحەدین دەمیرتاش دەربارەى بوویەرا دوهى کو لسەر ئاڤاهیێ هەدەپێ ل ئەزمیرێ هاتبووکرن کو تێدا دەنیز پۆیراز دا کو ئەنداما هەدەپێ یە ژیانا خۆ ژ دەست دابوو شەرمزارکر
دەمیرتاش ل سەر ڕۆپەلا خۆ یا تویتەرى گوت، "ئەز بۆ هەڤالا مە دەنیزێ کو ب ئاوایەکێ پیس هات کوشتن هیڤیا دلۆڤانیێ ژ خودێ دخازم و سەرەخۆشیێ ل مالبات و گەلێ وێ دکەم، ئێشا مە مەزنە لێ بەرخۆدان و هیڤیا مە گەلەک مەزنترە، ئەم ئەنجامدەران دنیاسین و ئەم ئارمانجێن وان ژى دزانین لێ ئەم ناکەڤینە بەر هێرشان و ئەم چ جاران دەستان ژ خەباتا خۆ یا دیموکراسى و لێگەریان ژ پێخەمەت ئاشتیێ بەرنادەین، رێکا پشتگرتنا ئازراندنا مەزنکرنا خەباتا دیموکراسى و ئێکگرتنێ یە.
ئەم دێ حسابا هەمى وان کارێن پیس ل پێش بەرى یاسایێ داخازکەین و ئەم دێ پێکڤە جڤاکەکێ ئاشتى و پاشەرۆژەک ئازاد مسوگەر کەین.
رۆژا پێنج شەمبی، ١٧ێ حوزەیرانا ٢٠٢١ێ، هێرشەک بۆ سەر ئاڤاهیێ هەدەپێ ل باژێرێ ئیزمیرێ ل تورکیالاهاتەکرن و تێدا چالاکڤانەکا هەدەپێ بناڤێ دەنیز پۆیرازا یا ٣٥ سالى هاتبوو کوشتن و پاشان هێزێن ئەولەکاریێ هێرشکەر دەستەسەرکر و ڤەکۆلین لسەر بوویەرێ بەردەوامە.
د.ش