فۆتۆ:
2021-06-18
193 جار خوێندراوەتەوە
ژێدەرەک ژ وەزارەتا داراریی بۆ ئێن ئاڕ تى ڕاگەهاند، هێشتا بڕیار نەهاتیە دان ل رۆژا پارڤەکرنا موچەیی و ئاماژە ب وى ئاوایینە ل ٢٧ێ ڤێ مەهێ دێ دەست ب پارڤەکرنا موچەی هێتەکرن.
ژێدەرەکى ژ وەزارەتا دارایی بۆ ئێن ئاڕ تى ڕاگەهاند، کو خشتەیێ پارڤەکرنا موچەیی ل ٢٥ێ هەمى مەهان و گوهۆرین ب سەر دا نەهاتیە، لێ هەیا نها بڕیار نەهاتیە دان ل سەر رۆژا پارڤەکرنێ بۆ ڤێ مەهێ.
گوت، ئـاماژە ب وی ئاوایینە کو ل ٢٧ێ مەهێ کو دبیتە رۆژا شەمبیێ پارڤەکرنا موچەی دێ دەستپێکەت ژبەرکو حکومەتێ دەواما فەرمانبەرا ئاسایی کریە و ژ ئێکشەمبێ هەیا کو پێنجشەمبێ دەوامە، ئێدى ل ئەینى و شەمبیان بانکان ڤەناکەن.
ئەڤە ژى د دەمەکى دایە، د سێ مەهێن دەربازبووى دا حکومەتا هەرێمێ بڕیار دایە کو ٢٥ێ هەمى مەهان دێ موچەی پارڤەکەن، لێ د مەها دەربازبووى دا پارڤەکرنا موچەیی پاشکەفت و چەند رۆژەک ب سەر پارڤەکرنێ دا دەربازبوون.
ئەڤە زێدەبارى وێیەکێ، بهایێ پەتڕۆلێ بلندبوویە بۆ سەر ٧٠ دۆلاران و هەیا نها لێبرینا موچەی لانەدایە و ب لێبرینا ٢١%ێ موچەیی د دەنە فەرمانبەران.
د.ش