فۆتۆ:
2021-06-18
1192 جار خوێندراوەتەوە
ئەندامەکێ پەرلەمانێ کوردستانێ ڕاگەهاند، لێبرینا مووچەی پەیوەندى ب هەبوون و نەبوونا پارەی ڤە نینە و بەرپرسێن هەرێمێ چەندین جاران د جڤینێن خۆ دا گوتینە ئەگەر مە زانیبا دا زوویتر لێبرینێ بۆ موچەیى دانین.
شێرکۆ جەودەت ئەندامێ پەرلەمانێ کوردستانێ ل فراکسیۆنا یەکگرتوو بۆ میدایا یا فەرمی یا حزبا خۆ ڕاگەهاندیە، ئەو پارەیێ ژ بەغدا دهێت بۆ ڤەشارتنا گەندەلیانە و ئەگەر هات و کومپانیێن لۆکالى باجێ بدەنە حکومەتا هەرێمێ ئەو دێ ژ وى پارەیێ وەک سەدەقە ژ بەغدا دهێت پتر وەگرن.
وى ئەندامێ پەرلەمانێ کوردستانێ ئاماژە ب وێیەکێ ژى کر، "حکومەتا هەرێمێ هند خەما وێ پاراستنا بەرژەوەندیێن بەرتەنگێن حزبى یە و پاراستنا کومپانیێن پەتڕۆلێ یێن لوکالى و حزبیێن خۆ یە هند د خەما موچەخورێن هەرێمێ دا نینە".
شێرکۆ جەودەت بەحسا وێیەکێ ژى کر، کەرتێ پەتڕۆلێ و غازێ ل هەرێما کوردستانێ دا داهاتەکێ مەزن ژێ دیارنامنیت و دنها دا داهاتێ حکومەتا هەرێمێ د سەر ملیارەک دۆلاران دایە و ئەڤە د دەمەکى دایە کو حکومەتا هەرێمێ بۆ پارڤەکرنا هەمى موچەیێ موچەخۆران پێدڤی ب نێزیکى ٨٠٠ ملیۆن دۆلارانە.
حکومەتا هەرێما کوردستانێ ل سالا ٢٠١٥ێ ب سەدەما قەیرانا دارایی و شەڕێ داعش پاشکەفتا موچەی ڕاگەهاند و ل سالا ٢٠١٩ێ پشکەفت ڕاکر، لێ ل سالا ٢٠٢٠ێ ب ناڤێ لێبرینێ دووبارە دەست ب کێمکرنا موچەیێ فەرمانەبران کر.
د.ش