فۆتۆ:
2021-06-18
694 جار خوێندراوەتەوە
هونەرمەندێ ناڤدارێ ئێزدی "کەمال پیر مچو" خەلکێ کومەلگەها دهولا ل وەلاتێ ئەڵمانیا ب سەدەما نەخۆشیا پەنجەشێرێ د ژیێ ٤٦ سالیێ دا وەغەرا داویێ کر.
نەزیر شنگالى نووچەگەهانێ ئێن ئاڕ تى دیارکر، "هونەرمەند کەمال پیر مچو ژبەریا نها ئاکنجیێ کومەلگەها دهولا یا سەر ب ناحیا سنونێ ڤە ئەڤە دەمەکە تووشى نەخۆشیا پەنجەشێرێ ببوو و ئەڤرۆ ل وەلاتێ ئەلمانیا د ژیێ ٤٦ سالیێ دا وەغەرا داویێ کر".
ئاماژە ب وێیەکێ کر، کو کەمال پیرمچۆ کورێ هونەرمەدێ ناڤدرێ شنگالى پیرمچۆ بوویە و ژ بنەمالەکا هونەرى یە و ل سالا ١٩٨٨ێ دەست ب کارێ هونەرى و ستران گوتنێ کریە دگەل بابێ خۆ پیرمچۆ و ل سالا ١٩٩١ێ کوما دهولا یا هونەرى ئاڤاکریە
کەمال پیر مچۆ؛ هونەرمەندەکێ ناڤدارێ ئێزدیانە ل سالا ١٩٧٥ ژدایک بوویە ل سالا ١٩٩٩ێ چوویە ئەلمانیا و ل وێرێ ژیایە و ژبەریا سالەکێ تووشى نەخۆشیا پەنجەشێرێ بوو و ئەڤرۆ ل ١٨ێ حوزەیرانێ ب وێ سەدەمێ وەغەرا داویێ کر.
نەزیر شنگالى، شنگال
د.ش
