فۆتۆ:
2021-06-18
297 جار خوێندراوەتەوە
د دەما سالەک و شەش مەهان دا ٧٥٠ خزمەتکار و ١١٠ کرێکارێن بیانى هاتینە تۆمارکرن و ب ڤێ چەندێ ژى هژمارا کرێکارێن بیانى ل دهۆکێ کاردکەن بەرەف زێدەبوونێ یە.
وەلات ئەمین سەرۆکێ سەندیکا کرێکارێن دهۆکێ بۆ ئێن ئاڕ تى ڕاگەهاند، گەلەک کەس هەنە ب رێکێنە نەیێن یاسایی ل دهۆکێ کار دکەن بتایبەت یێن تورکیا و ئیرانێ و ئەو کەسە ب رێکا ڤیزا گەشتیارى دهێتن بتایبەت ژ تورکیا و ئیرانێ ب مەرەما گەشتیارى دهێن و ل ڤێرێ دمینن و کاردکەن.
سەرۆکێ سەندیکا کرێکاران ئاماژە ب وێیەکێ ژى کر، د دەما سالەک و شەش مەهان دا ٧٥٠ خزمەتکار و ١١٠ کرێکارێن بیانى هاتینە تۆمارکرن دەربارەى کرێکارێ ناڤخۆی چ ئامار ل بەر دەست نینن ژبەرکۆ هژمارەکا مەزن ژ وەلاتیان کاردکەن و گەلەک کارێ خۆ دهێلن و گەلەک ژنوى دەست بکار دبن.
دەربارەى نەبوونا چاڤدێریەکا باش ژ ئالیێ حکومەتا هەرێمێ ڤە وەلات ئەمین دیار ژى کر، "دڤێت حکومەت ژى چاڤدێریەکا باشتر بکەت و رێکاران ل هەمبەرى وان کەسان بگریتە بەر یێن ژدەرڤەى وەلاتى دهێن و کاردکەن و ناچنەڤە".
دیارکر ژى، ژبەریا نها وان جهەک بۆ کرێکاران دیارکربوو لێ پشترا ئەو دانپێدانێ ب وێیەکێ دکەین کو ئەو جهە یێ باش نەبوو ژبەرکو یێ دوور بوو و نە یێ پێش چاڤ بوو، لەورا پێگیرنەبوون لێ ئەم بزاڤا دکەین جهەکێ باشتر بوو دابین بکەین.
وەلات ئەمین ئاماژە ب وێیەکێ کر، جاران ب نەچارى ئەم کرێکاریێن بیانى ژدەرڤە دئینین دگەل وێ چەندێ دڤێت مە ژى کرێکارێ شارەزا و خۆدان ئەزموون هەبیت ژبۆ کو مە پێدڤى ب کرێکارێ بیانى نەبیت، دڤێت حکومەت رێگیریێ ل وان کرێکاران بکەت یێن کو کرێکارێ مە دشێت وى کارى بکەت و دەما مولەتێ ددەتە کومپانیان دڤێت بهێتە سانسورکرن.
ئەڤە ددەمەکى دایە، هاتنا هژمارەکا مەزن یا ئاوارەیان بۆ پارێزگەها دهۆکێ بتایبەت کۆ هژمارەکا مەزن دکەڤنە ڤێ پارێزگەهێ و بارگرانى ئێخستیە سەر کرێکارێ ناڤخۆ ب ئاوایەکێ گشتى دەرفەتا کارى کێم بوویە.
د.ش