فۆتۆ:
2021-06-18
123 جار خوێندراوەتەوە
بهایێ بەنزینێ هندى بچیت زێدەتر بلند دبیت و ژ شەڤا دەربازبووى وەرە بۆ هەر لیترەکێ ژ جۆرێن بەنزینێ ٥٠ دینارێن، دى چوونە سەر بهایێن وان و بهایێ ئێک لیترا بەنزینا نۆرمال گەهشتیە ٧٥٠ دیناران.
خۆدانێ بەنزینخانەکا سلێمانیێ بۆ ئێن ئاڕ تى ڕاگەهاند، ئەڤ بڕیارە ل بەشەک ژ بەنزینخانەیان هاتیە جێبەجێکرن و ژ سوباهى وێڤە ل تەڤایا بەنزینخانەیێن سلێمانیێ ٥٠ دینار بۆ هەر لیترەک ژ جۆرێ بەنزینێ دێ چیتە سەر بهایێ وێ.
بەحسا وێیەکێ ژى کر، بهایێ گازێ ژى گرانتر بوویە و بۆ هەر لیترەکا گازێ ٢٥ دینار چوویە سەر بهایێ وان.
هەڤدەم، ئێن ئاڕ تى پەیوەندى ب بەهمەن قادر کر پەیڤدارێ بەنزینخانەیێن سلێمانیێ، لێ ئامادە نەبوو لسەر بلندبوونا بهایێ بەنزینێ باخڤیت و ڕاگەهاند، ئەڤرۆ دێ سەدەما وێیەکێ ئاشکەراکەت.
ئارى کاکەشین رێڤەبەرێ سوتەمەنیا هەولێرێ ڕاگەهاند، سەدەما گرانبوونا بەنزینێ بۆ گرانکرنا بهایێ بەنزینێ ژ ئالیێ ئیرانێ ڤە ڤەدگەریت و بەشەک ژ وێ بەنزینا دهێتە رەوانەکرن بۆ هەرێمێ ناچیتە پشکنینێ، دبێژیت ژى، "حکومەتا هەرێمێ دشێت جێگرەکى ببینیت و وێ ئاریشەیێ چارەسەر بکەت".
ئەڤە ژى د دەمەکى دایە، دەما مەهەکێ یە بهایێ بەنزینێ ل باژێرێن هەرێما کوردستانێ ب هێجەتا بلندبوونا بهایێ دۆلارى و زێدەکرنا باجێ بلندبوویە و حکومەتا هەرێمێ ژى هەیا نها چ پلانەک بۆ داکەتنا بهایێ بەنزینێ نینە، هەڤدەم بهایێ لیترەکا بەنزینێ ل تەڤایا باژێرێن ناڤەراست و باشورێ عێراقێ بتنێ ب ٤٥٠ دینارایە و چەندین سالن ژى ئەو بهایە ب جێگرى مایە.
د.ش