فۆتۆ:
2021-06-17
150 جار خوێندراوەتەوە
سروە عەبدولواحید ڕاگەهاند، نەوەى نوێ ژبەر وێیەکێ ئۆپۆزسیونە چونکى دەسهەلاتەک نینە مووچەیێ خەلکێ بدەت، دبێژیت ژى، "د ڤان چەند رۆژان دا پارەیێ بەغدا دێ گەهیتە هەرێما کوردستانێ".
سروە عەبدولواحید ئەنداما ژبەریا نها یا پەرلەمانێ عێراقێ ل تاوتوێ یا ئێن ئاڕ تى ڕاگەهاند، "شاندنا پارەیێ بەغدا بۆ هەێما کوردستانێ ژدەرڤەی لهەڤهاتنا هەرێم و بەغدایە و بەغدا وەک سولف و دەین دێ دەتە هەرێمێ و بەرپرسێن هەرێمێ ب خۆ داخازا وى سلفى کریە".
ڕاگەهاند ژى، "ڤێ حکومەتێ ژى نەبیت حکومەتا داهاتى یا عێراقێ دێ داخازکەت ژ هەێما کوردستانێ و نابیت حکومەتا هەرێمێ خۆ بێخیتە د بن ڤان هەمى دەینان ڤە".
رۆژا ١٥ێ ڤێ مەهێ، مەسرور بارزانى سەرۆکێ حکومەتا هەرێمێ ڕاگەهاند، دگەل بەغدا لهەڤهاتینە بەشە بودجەیا هەرێمێ ڤەگەرینن.
١٢ى ڤێ مەهێ، رێباز حەملان جێگرێ سەرۆک وەزیرێن هەرێما کوردستانێ بۆ کاروبارێن دارایی و وەبەرهێنانێ ل تاوتوێ یا ئێن ئاڕ تى دا ڕاگەهاند، "ئەگەر بەغدا پارەی ژى بهنێریت نەشێین بێژین ١٠٠% لێبرینا مووچەی دێ داویێ پێ هێت"، دبێژیت ژى، "لگورەى داهاتێ ل بەر دەستێ مە و پارەیێ بەغدا دێ بڕیارێ لسەر مووچەى دەین بێ لێبرین".
دەما زێدەترى دوو مەهانە، بودجەیێ عێراقێ پەسەندکریە، پشکا هەرێمێ ژ بودجەیا عێراقێ ب ١٢.٦٧% هاتە دیارکرن، د هەمبەردا حکومەتا هەرێمێ پابەندکریە ب ڕادەستکرنا ٢٥٠ هزار بەرمیلێن پەترۆلا رۆژانە ب بهایێ سۆمۆ دگەل رادەستکرنا نیڤەک ژ داهاتێ دەروازەیێن سنورى، لێ هەیا نها چ کۆژمەکێ پارەى ژ بەغدا بۆ هەرێمێ نەهاتیە.
سروە عەبدولواحید گوت ژى، نەوەى نوێ ژبەر هندێ ئۆپۆزیسیۆنە چونکى دەسهەلاتەک نینە مووچەیێ خەلکێ بدەت و عەیبیە، کو حکومەت مووچەیی دکەتە دەستکەفت"، دبێژیت ژى، "ئاریشا مە دگەل بەرپرسێن هەرێمێ ئەوە حزبێ دەست ب سەر هەمى سێکتەرێن دەسهەلاتێ دا گرتیە".
دیار کر ژى، رەوشا کوردا ل بەغدا ڤەکشان ب خۆ ڤە دیتیە و سالێن دەربازبووى ئالێن کوردى بەحسا چەندین ئاریشەیا و بەحسا چارەسەرکرنا ئاریشەیێن دەڤەرێن ماددەیێن ١٤٠ دکر، لێ د نها دا ئاریشە بتنێ د چارچووڤێ مووچەی دا کورت کرینە.
دەربارەى هەلبژارتنێن داهاتی یێن عێراقێ ئاماژە ب وێیەکێ کر، "ئەگەر هات و پرۆسەیا هەلبژارتنان دوور بیت ژ چەک و گڤاشتنا حزبى و چاڤدێریەکا ناڤدەولەتیا دژوار هەبیت دێ گوهۆرین روودەن، بێگومان ئەگەر خەلکێ عێراقێ خۆ بڤێت و دەنگى بدەنە وان ئالیان یێن وان دڤێن و ب دیتنا وان ئەو دێ مافێ وان پارێزن".
بەحسا وێیەکێ ژى کر، "وەک نەوەى نوێ دڤیا تەڤایا ئالیێن ئۆپۆزیسیۆنێ ب ئێک لیست بەشداریێ د هەلبژارتنان دا بکەن و نەوەى نوێ هەردەم ل بەرەیێ خەلکى یە و نا چیتە چ بەرەیەکێ دى کو بەرەیێ دەسهەلاتێ بیت".
ئەو ئەنداما ژبەریا نها یا پەرلەمانێ عێراقێ دبێژیت، هەڤپەیمانیێن نها بۆ وێیەکێ یە کو کا دێ کى پۆستێن زێدەتر وەرگریت و پۆست بۆ پشتى هەلبژارتنان پارڤەکرى نە.
بڕیارە د مەها ١٠ یا ئەڤسالەدا هەلبژارتنێن پێشوەختێن عێراقێ برێڤەچن و نەتەوێن یەکگرتى بۆ چاڤدێری کرنا هەلبژارتنان دێ شاندەکێ شیننە عێراق و هەرێمێ.
د.ش