فۆتۆ:
2021-06-17
240 جار خوێندراوەتەوە
ڕێڤەبەرێ پۆلیسێن راپەرین ڕاگەهاندیە، رۆژا ٢١ی مەها ٤ یا ئەڤ سالە کەسەک هاتە کوشتن و توهمەتبارێ سەرەکی یێ بوویەرێ هاتە دەستەسەرکرن و گوتیە، "ژنا وی زەلامی زێدەتر ژ دوو دەفتەرێن دۆلاری داینە من دا زەلامێ وێ بۆ ب کوژم".
ڕێڤەبەریا پۆلیسێن راپەرین ڕاگەهاند، د ٢١ نیسانێ دا وەلاتیەک ب ناڤێ (س، خ، پ) ژ دایکبوویێ سالا ١٩٨٨ێ، ئاکنجیێ حاجیاوا/دابان ل نێزیک مالا خۆ دایە بەر گولەیان و بوی سەدەمی ژیانا خۆ ژ دەستدا و رێکارێن یاسایی گرتینە بەر و ڤەکۆلین بۆ دوسیێ هاتیە کرن.
ئاماژە ب وێیەکێ ژی کریە، پشترا لسەر وێ روویدانێ دوو توهمەتبار دەستەسەرکرینە، کو ئێک ژ وان خێزانا کەسێ هاتیە کوشتن و یا دی ژی خەسیا وی بوو و ل گورەی ماددێ ٤٠٦ ژ یاسایێن سزادانا عێراقێ راگرتینە.
ئەوژ دیارکریە، پشتی دیڤداچونێ و کومکرنا زانیاریان و مفا وەرگرتن ژ کامیرێن چاڤدێریێ، توهمەتبارێ سەرەکیێ بوویەرێ بناڤێ (س، ئـ، ئـ) دەستەسەرکر، و ل گورەی ماددێ ٤٠٦ و ب بڕیارا دادوەرێ ڤەکولینێ هاتینە ڕاگرتن.
گوتیەژی، د نهادا توهمەتبار (س، ئـ، ئـ) ل پێشیا پۆلیس و دادگەهێ دانپێدان کریە و ب گوتنا خۆ دبێژیت، "دگەل خێزانا کەسێ هاتیە کوشتن رێکەفتن کریە، کو ل هەمبەر کوژمێ ٢٢ هزار و ٧٠٠ دۆلاران مێرێ وێ بکوژیت".
رۆژا ٢١ی نیسانێ، ل ناحیا حاجیاوا سەر ب قەزایا رانیا، گەنجەکێ ٣٣ سالی کو ژیانا هەڤژینیێ پێکئینابوو و خۆدانێ دوو زارۆیان بوو ل پێشیا مالا وی دەستدرێژیا گولەیان لێ هاتە کرن و ژیانا خۆ ژ دەستدا.
هـ.ئـ