فۆتۆ:
2021-06-17
410 جار خوێندراوەتەوە
پرۆژێ کارگەها جۆتیار یا دروستکرنا فینگەران ژ پتاتێن خۆمالی ژئالیێ کۆمپانیا "کوردستان-هۆلەندا" ب پشتەڤانیا دارایی یا شاهنشینا هۆلەندا و لگورەی بەرنامێ حکۆمەتا هەرێما کوردستانێ بۆ پێشئێخستنا کەرتێ پیشەسازیا خۆارنێ هاتەدانان.
کارگەهەکا بەرهەم ئینانا فینگەران ژ پتاتێن خۆمالی ل گوندێ بامەرزێ یێ سەر ب ناحیا رۆڤیاڤە کوژمێ نێزیکی ١٠ ملیۆن دۆلاران لێ هاتینە مەزاختن و سالانە ٦٠٠٠ تەنێن پتاتان دێ کەتە فینگەر و دەلیڤێن کاری بۆ سەدان جۆتیاران و هاولاتیان دێ پەیداکەت.
پارێزگارێ دهۆکێ ڕاگەهاند، "ئەنجامدانا ڤان پرۆژەیان دێ بیتە سەدەمەک ئاستێ بەرهەمێ ناڤخۆیی بلند ببیت، جۆتیارێن مە ژی ب پشتراستی ڤە ئەردێن خۆیێن چاندنێ بکەنە بەرهەم، هەڤدەم، هوسا دەلیڤێن کاری بۆ هژمارەکا زێدە یا وەلاتیان دێ پەیدابن و بازار و ژێرخانا ئابۆری دێ بهێزتر لێ هێت".
سەرۆکێ حکومەتێ ژی دبێژیت، "بەرنامەیێ حکۆمەتێ ئەوە کو چ دلگرانی ل ئالیێ جۆتیاران نەمینیت و گرنگیێ ب بەرهەمێ خۆ و جۆرێن وی بدەن"، دبێژیت ژی، "دێ هەمی بزاڤان کەین کو نەچارنەبین ئەو بەرهەمێ ل ناڤخۆ بەرهەم دهێت ژ دەرڤە بینین".
ئەڤە ددەمەکیدایە، هەمی سالان ل دەمێ وەرزی بەرهەمێ جوتیاران گازندا وێیەکێ هەیە و بەرهەمێن وان د بازارن دا ناهەێنە ساخکرن بسەدەمێ هاوردەکرنا بەرهەمێ بیانی، رێژەیا بێکاریێ ژی دناڤا تەخا گەنجان رۆژ بۆ رۆژێ زێدەتر دبیت و ئینانا کرێکارێن بیانی ژی بۆ هەرێمێ ئێکە ژ سەدەمان.
هـ.ئـ