فۆتۆ:
2021-06-17
864 جار خوێندراوەتەوە
پارێزگارێ دهۆکێ ڕاگەهاند كونسوڵێ یەكێتیا ئەوروپا ل هەرێمێ گوتیە دهۆک باشترین پارێزگەها هەرێم و عێراقێ یە ژبۆ ئازادیا رادەربرینێ، لێ پشترە پەشیمان بوو ئاخافتنا خۆە ژێ بر ل گوری ئاگەهیان ژی سەدەم ژبۆ دلگرانیا کونسولی ژ وان ئاخافتنا ڤەدگەرن.
پشتی کو د پۆستەکی دا عەلی تەتەر پارێزگارێ دهۆکێ ڕاگەهاندی "دگەل كونسوڵێ یەكێتیا ئەوروپا مە بەحسا ئازادیا رادەربرینێ کریە و وی ژی گوتیە پارێزگەها دهۆکێ باشترین پارێزگەها هەرێم و عێراقێ یە ژبۆ ئازادیا رادەربرینێ ،پشتی چەند دەمژمێرەکان پارێزگار پۆشمان بوو و نڤیسینا خۆە گوهەرت.
ل گوری ئاگەهیان کونسولێ یەکێتیا ئەوروپا ژ ڤان گوتنان گەلەک دلگران بوویە و کو ئەو ئاخافتن بناڤێ وی هاتنەکرن، ددەمەکی دە وی چ ئاخافتنێن بڤی ئاوای نەکرنە و دلگرانی ژی گەهاندنە پارێزگارێ دهۆکێ، پشترە عەلی تەتەرو نڤیسنا خۆە سەراستکرییە وئەو ئاخافتن ژێ برنە.
ئەڤ گوتنێن پارێزگارێ دهۆکێ ددەمەکی دانە کو پێنچ چالاکڤانێن دهۆکێ ب شەش سالێن زیندانیکرنێ هاتنە سزدان و ڤێ یەکێ ژی کارڤەدان و نەرازیبوونێن ناڤخۆی و جیهانی لپەیبوون و بەشەک ژ قونسلخانەیێن وڵاتان ل هەرێمێ و عێراقێ ب فەرمی نەرازیبوونێن خۆە گەهاندنە حکومەتا هەرێما کوردستانێ.
ئیرۆ فێسنت پۆمیو کۆنسلوێ ئێکەتیا ئەوروپا ل هەرێما کوردستانێ سەرەدانا سنورێ پارێزگەها دهۆکێ کر و دگەل پارێزگاری دە جڤینەک لدارخستبوو. چەندین تەورژی هاتنە بەحسکرن کو ئێک ژوانا مژارا ئازادیا رادەربرینێ بوویە.
د.ش
