فۆتۆ:
2021-06-17
2553 جار خوێندراوەتەوە
بڕیارە تابلۆیێن هەرێم و عێراقێ بهێنە رێکخستن و بەرپرسەکێ هاتن و چوونا هەرێمێ ژی دبێژیت سیستەم دێ هێتە جێبەجێکرن کو ئاماژە ب ناڤێ کوردستانێ هێتە کرن و دێ ب ئینگلیزی تابلۆیێن نوی هێنە دروستکرن.
بەرپرسەکێ هاتن و چوونا هەرێمێ بۆ رۆپەلا فەرمی یا پارتی دیموکراتێ کوردستان ڕاگەهاند، " بەریا نها چەندین جاران مە لهەفهاتن دناڤبەرا هەردوو وەزارەتێن هەرێما کوردستانێ و حکومەتا فیدڕالی بۆ ئێکگرتنا تابلۆیێن تڕومبێلان کرینە، لێ هەیا نها نەچوویە بوارێ جێبەجێکرنێ، لێ نها بڕیارە جارەکادی دەست ب جێبەجێکرنا پلانێ بهێتە کرن، ئەوژی ئێک ڕەنگێ تابلۆیێن تڕومبێلان ل هەمی عێراقێ بهێتە پەیڕەو کرن.
دەربارەی شێوازێ تابلۆیێن نوی ئەو بەرپرسە دبێژت، "تابلۆیێن سیستەمێ نوی، ئەوێن دێ کومپانیەکا ئەلمانی دروستکەت، قەبارەیەکێ بچویکتر هەیە و هەرێما کوردستانێ بتنێ دێ قەبارەی بچویک کەت دێ دگەل یێن عێراقێ بنە ئێک".
ئاماژە ب وێیەکێ ژی کریە، "مە سیستەمێ نوی یێ تابلۆیان هەیە، یاباشتر ژی ئەوە ب ئینگلیزی لسەر هاتیە نڤیسین، دەمێ تڕومبێل دچیتە وەلاتەکێ دی تابلۆی ژێڤەناکەت، لێ جوداهیا تابلۆیێن هەرێم و عێراقێ بتنێ دێ ئەو بیت دێ ئاماژە ب هەرێما کوردستانێ هێتە کرن کو یێ هەرێما کوردستانێ یە".
هـ.ئـ