فۆتۆ:
2021-06-17
2172 جار خوێندراوەتەوە
بڕیاردەرێ لژنەیا دارایی یا پەرلەمانێ عێراقێ ڕاگەهاند، بڕیارە کۆژمێ پارەیێ بەغدا د چەند رۆژێن داهاتى دا بهێتە رەوانەکرن بۆ هەرێمێ، دبێژیت ژى، شاندنا وى کۆژمێ پارەى لهەمبەرى پێگیریێن هەرێمێ یە ب پێگیربوونا دارایی ل هەمبەرى بەغدا.
ئەحمەد سەفار بڕیاردەرێ لژنەیا دارایێ یا پەرلەمانێ عێراقێ بۆ رۆپەلێ فەرمیێ پارتی ڕاگەهندیە، ل گورەی وێ لھەڤهاتنا دناڤبەرا سەرۆکێ حکومەتێ و سەرۆک وەزیرێن عێراقێ دا هاتیە کرن، وەک ئنیەت پاقژیەک بەغدا دێ سولفەیەکێ بۆ هەرێمێ هنێریت.
بەحسا وێیەکێ ژی کر، مستەفا کازمی سوز دایە مەسرور بارزانی، مەهانە کوژمەیەکێ پارەی بۆ هەرێمێ بهێتە رەوانەکرن، کو هەیا نها کوژمێ وی پارەی ناهێتە زانین چەندە، ل گورەی یاسایا بودجەی ژی ئەو سولفەیا کو رەوانەی هەرێمێ دهێتە کرن، ژ مەها ئێک یا ئەڤ سالە دێ هێتە هژمارتن.
بڕیاردەرێ لژنەیا دارایی ئاماژە ب وێیەکێ ژی کر، "گەشبینم د ئایندەیەکێ نێزیک دا داوی ب لهەڤهاتنا هەرێم و بەغدا بهێت و وەکی خۆ بهێتە جێبەجێکرن".
رۆژا ١٥ ڤێ مەهێ، مەسرور بارزانی سەرۆکێ حکومەتا هەرێمێ ڕاگەهاند، دگەل بەغدا لهەڤهاتینە پشکا بودجێ هەرێمێ بڤەگەرینن.
١٥ ڤێ مەهێ، رێباز حەملان هاریکارێ سەرۆک وەزیرێن هەرێما کوردستانێ د تاوتویا ئێن ئاڕ تیدا ڕاگەهاند، "ئەگەر بەغدا پاران ژی بهنێریت نکارین بێژین ١٠٠% لێبڕینا موچەی دێ ب داوی هێت"، دبێژیت ژی، "ل گورەی داهاتێ لبەردەستێ مە و پارێ بەغدا دێ بڕیارێ لسەر موچەی دەین ب بێ لێڕین".
دەما زێدەتری دوو مەهانە بودجا عێراقێ هاتیە پەسەندکرن، پشکا هەرێمێ د بودجەیا عێراقێ دا ١٢.٦٧%ێ هاتیە دیارکرن لهەمبەری وێیەکێ، حکومەتا هەرێمێ ب ڕادەستکرنا ٢٥٠ هزار بەڕمیلێن پەتڕۆلا رۆژانە ب بهایێ سۆمۆ دگەل ڕادەستکرنا نیڤیا داهاتێ خالێن سنوری هاتیە پابەندکرن، لێ هەیا نها چ کۆژمێن پارەی ژ بەغدا بۆ هەرێمێ نەهاتیە.
هـ.ئـ