فۆتۆ:
2021-06-17
100 جار خوێندراوەتەوە
وەزارەتا ساخلەمیا هەرێما کوردستانێ د ڕاگەهاندنەکێ دا دیارکر، ئامارێن کۆرۆنایێ یێن ٢٤ دەمژمێرێن دەربازبووی بەلاڤکرن و ٤٦٦ حالەتێن توشبوون ب کۆرۆنایێ تۆمارکرینە، هەڤدەم ٤٩٩ حالەت چارەسەر بوونە و هەشت کەسان ژیانا خۆ ژدەست دایە، لگورەى ئامارێن وەزارەتا ساخلەمیێ ژى، چارەسەربوونێ بەرەڤ زێدەبوونێ یە.
لگورەى وێ ڕاگەهاندنێ، هژمارا توشبوون ب کۆرۆنایێ، ب ڤی ئاواییە ل هەولێرێ ١١٢ کەس، سلێمانی ١٨٥ کەس، دهۆک ١٤٩ کەس و گەرمیان ١٨ کەس، و هەلەبجە دوو کەس و راپەرین چ حالەت ب ڤایرۆسێ نەهاتینە تۆمارکرن.
د دەمەکى دایە، ٤٩٩ کەس ژ ڤایرۆسی چارەسەربووینە ب ئاوایەکى، ل هەولێرێ ١١٣ کەس، سلێمانی ٢١٢ کەس، دهۆک ١٢٣ کەس، گەرمیان ٤٥ کەس، راپەرین پێنج کەس هەلەبجە ئێک کەس، هەڤدەم هەشت حالەتێ ژیان ژ دەست دانێ هاتینە تۆمارکرن.
پشتى بەلاڤبوونا ڤایروسا کۆرۆنا ل سالا ٢٠١٩ێ ل باژێرێ وهانێ چینێ، هەیا نها ل هەرێمێ ١٧٨ هزار و ٧١٨ کەس تووشى ڤایروسى بوون، هەڤدەم ١٦٧ هزار و ١٨٩ کەس چارەسەر بوونە و چار هزار و ٣٩٠ کەسێن دى ژى بسەدەما ڤایروسێ ژیانا خۆ ژ دەستدایە.
د.ش