فۆتۆ:
2021-06-17
215 جار خوێندراوەتەوە
جێگرێ ڕێڤەیەرێ گشتى یێ ئەزموونان ل وەزارەتا پەروەردێ ڕاگەهاند، حەفتیا داهاتى ئەزموونێن گشتى ل هەرێمێ بۆ پۆلێن نە یێن داویێ دێ دەستپێکەت و بۆ دەما نەهـ رۆژان دێ بەردەوام بیت، دوو هزار و ٦٥٥ هۆل ژى ئامادەکرنە. دبێژیت ژى، "بتنێ ئەو ماددە دێ هێنە هژمارتن یێن خوێندکاران خاندین".
ئەڤرۆ پێنجشەمبى، فاتیح مەولەوى زادە جێگرێ ڕێڤەبەرێ گشتى یێ ئەزموونان ل وەزارەتا پەروەردا حکومەتا هەرێم بۆ ڕۆپەلا فەرمی یا پارتى ڕاگەهاند، رۆژا سێشەمبى حەفتیا داهاتى پرۆسەیا ئەزموونێن خۆلا ئێکێ بۆ پۆلێن نە یێن داویێ (ئێکێ بنەرەتى _یازدێ ئامادەیی) ل هەرێما کوردستانێ ب رێکارێن خۆ پارێزیێ دێ دەستپێدکەن و بۆ دەما نەهـ رۆژان دێ یبەردەوام بیت.
دەربارەى هژمارا خۆێندکارێن بەشداربووى د ئەزموونان دا جێگرێ ڕێڤەبەرێ گشتى یێ ئەزموونان ئاماژە ب وێیەکێ ژى کر، هەیا نها ئامارەکا دروست دەربارەى هژمارا خۆێنکارێن بەشداربووى ل بەردەست نینە، ئەوا ب دیارکرى ل بەردەست، ئامارا پۆلا نەهێ یا ئەکادیمى و ئیسلامیە ل خۆلا ئێکێ کو سەرجەمێ گشتى ١١٧ هزار و ٢٧٣ خۆێندکارن. دبێژیت ژى، "ب ئاوایەکێ گشتى دوو هزار و ٥٦٦ هۆل بۆ بڕێڤەچوونا ئەزموونان هاتینە بەرهەڤکرن".
فاتح مەولەوى زادە دەربارەى بەرنامێ خاندنا ئەڤسالە و کورتکرنا بەشەکا ماددان و نە هژمارتنا وان بۆ ئەزموونێن گشتى دیار ژى کر، ب ل بەرچاڤ وەرگرتنا رەوشا ساخلەمیێ و بەلاڤبوونا کۆرۆنایێ بتنێ دێ ئەو ماددە هێنە هژمارتن کو خۆێندکاران وەرگرتین و خاندینە، هویرکاریێن ڤى بابەتى ژى ژ ئالیێ ڕێڤەبەرێ گشتى یێ پرۆگرامێن وەزارەتێ داینە سەرجەم ڕێڤەبەریێن سنورێ پەروەردەیان ل تەڤایا پارێزگەهـ و ئیدارەیێن سەربەخۆ.
ئەڤە ژى د دەمەکى دایە، د ئەڤسالەدا بسەدەما رەوشا ساخلەمیا کۆرۆنایێ ل دەستپێکا پرۆسەیا خاندنێ دا دەواما خاندنگەهان هات ڕاوەستاندن و پاشى ژى ب گرتنا بەر یا رێکارێن خۆ پارێزیێ و سیستەمێ ئاوێتە پرۆسەیا خاندنێ ل هەرێما کوردستانێ دەستپێکر.
د.ش