فۆتۆ:
2021-06-17
300 جار خوێندراوەتەوە
پارتی دیموکراتی گەلان (هەدەپە) ڕاگەهاند، د هێرشا چەکدارەکی دا بۆ سەر پارتا وان دا ل باژێرێ ئەزمیر ژنە ئەندامەکا پارتا وان ب ناڤێ (دێنیز بویراز) هاتە کوشتن.
ئەڤرۆ پێنج شەمبی، پارتا دیموکراتی گەلان (هەدەپە) د ڕاگەهاندنەکێدا ل تویتەری بەحسا وێیەکێ ژی کریە، چەکدارەکی هێرش کریە سەر بارگەهێ پارتا وان و بسەدەمێ وێ هێرشێ ژنە ئەندامەکا وێ پارتێ هاتە کوشتن.
یوویەر ب ڕەنگەکی بوویە دەمێ تەقەکەری تەقە ل بارگەهێ هەدەپێ کری، ل نهومێ حەفتێ یێ ئاڤاهی دابوو پشترا لسەر جاددێ ژی تەقەکریە، هەڤدەم ل گورەی ڕاگەهاندنەکا پارێزڤانیا باژێری کەسەک کوشت و تەقەکەر هاتە دەستەسەرکرن.
پشتی بویەرێ ژی، هێزێن پۆلیسان گەهشتنە جهێ بوویەرێ و تەمامیا رێکێن دەڤەرێ ژی گرتن.
پارتی دیموکراتی گەلان (هەدەپە) دووەم حزبا ئۆپۆزسیۆنە ل پەرلەمانێ تورکیا و پترین نەرازیبوون دژی حکومەتا تورکیا بلندکرینە، د هەمبەر ژی دا تورکیا هەدەپێ ب پشتەفانیکرنا پارتا کرێکارێن کوردستانێ توهمەتبارکریە و هزاران ئەندامێن وێ حزبێ دەستەسەرکرینە و دناڤ واندا سەلاحەدین دەمیرتاش هەڤسەرۆکێ بەرێ یێ وێ پارتێ و چەند پەرلەمانتارەک ژی هەنە.
هـ.ئـ