فۆتۆ:
2021-06-17
2351 جار خوێندراوەتەوە
دگەل بەلاڤبوون و زێدەبوونا بکارئینەرێن تۆڕێن جڤاکی، رۆژانە چەندین حالەت و دیاردەیێن نوی دروستدبن و دهێنە تێبینیکرن، ئێک ژوانا ژی ئێک و دوو نیاسینا کور و کچانە برێکا وان تۆڕا بمەرەما هەڤژینیێ.
لسەر دیڤچوونێن دیجیتال میدیا ئێن ئاڕ تی دەربارەی بابەتێ هەڤژینیێ و ئێک و دوو نیاسینێ ب رێکا تۆڕێن جڤاکی دەرکەتیە، بتنێ ل هەرێما کوردستانێ زێدەتری ١٠ گرۆپ و پەیجێن تایبەت ب وان بابەتان ڤە هەنە و ئەدمێن و خۆدانێن ڤان گرۆپان وەکی دەلالا رۆلی دبینن، گەلەک ژ وانێن دناڤا ڤان گرۆپاندا لدیڤ کەسەکی دگەرن هەیا کو هەڤژینیێ دگەلدا پێکبینن.
بەشەک ژ ڤان گرۆپان تایبەتن ب وان زەلامانڤە ئەوێن دڤێن ژنا دووێ بینن، یان ئەو ژنێن لدەڤ وان ئاسای بیت دگەل زەلامەکێ دا هەڤژینیێ بکەن کو بەریا نها دگەل ژنەکا دی هەڤژینی کربن.
دەربارەی سەلامەتی و پاراستنا ئەوان زانیاریان ژی کو ئەندامێن ئەڤان گرۆپان لدەما ئیک و دوو نیاسینێ دا دگەل ئێک و دوو ڤەدگێرن، ئێن ئاڕ تی پەیوەندی ب چەند ئەندمێنان کر لێ ئامادەنەبوون داخویانیێ بدەن.
د بابەتەکێ رۆپەلا "سپۆتنیک"یا عەرەبی دا هاتیە، د.نەدا ئەل-جبوری" سەرۆکێ رێکخراوا "المرأة وو المستقبل" گوت، "ئەگەر بکارئینانا تۆڕێن جڤاکی بتنێ ئێک و دوو نیاسین بێت وی دەمی ئەو ئاسای یە، لێ ئەز باش نابینم ئەو ئێک و دوو نیاسینە ل پێناڤ هەڤژینیێ داببیت، ژبەرکو ئەڤ ئێک و دوو نیاسینا کور و کچان د ئاقارەکێ خەلەت دا دبەن.
و.ح
