فۆتۆ:
2021-06-17
324 جار خوێندراوەتەوە
سەرۆکێ حکومەتا هەرێمێ ڕاگەهاند، حکومەت بەرپرسیارییا ساخکرنا بەرهەمێن جوتیاران بستویێ خۆ ڤە دگریت و جوتیار بلا دخەما ساخکرنا بەرهەمێ خۆدا نەبن.
ئەڤرۆ پێنجشەمبێ، مەسرور بارزانی سەرۆکێ حکومەتا هەرێما کوردستانێ لدەما دانان بەرێ بنیاتێ پرۆژێ کارگەها جوتیاری بۆ بەرهەمێ فینگەرا پتاتێ ڕاگەهاند، پێتڤیە جوتیاریێن هەرێمێ گرنگیا زێدەتر ب بەرهەمێن خۆ بدەن و کاربکەن بۆ وێیەکێ رێژا بەرهەمی بهێتە زێدەکرن.
ئاماژە ب وێیەکێ ژی کر، حکومەتا هەرێمێ دێ بزاڤان کەتن لسەر ئاستێ بازارێ تایبەت و گونجای بۆ بەرهەمێ جوتیاریێن هەرێمێ دروستبکەت.
دبیژیت ژی، پێتڤیە جوتیار دەربارەی ساخکرنا بەرهەمێن خۆ دلگران نەبن.
مەسرور بارزانی بەحسا وێیەکێ ژی کر، حکومەت بەرپرسە لهەمبەر کۆنترۆلکرنا بهایێ بەروبوومی بۆ هەمی وەلاتیان، دێ کارژی کەتن بۆ وێیەکێ جوتیار د ژینگەهەکا گونجای دا سیکتەرێ چاندنا هەرێمێ بەرەڤ پێشڤە ببەن.
ئەڤە د دەمەکی دایە، سالانە جوتیارێن هەرێمێ دلگران دبن لسەر ساخنەکرنا بەەرهەمێن خۆ و هەژمارەک ژی وەکی نەرازیبوون لهەمبەر هاوردەکرنا بەروبوومێ بیانی و ساخنەکرنا بەروبوومێ ناڤخۆ و دەرڤە، بەرهەمێ خۆیێ چاندنێ دهاڤێژن.
و.ح