فۆتۆ:
2021-06-17
364 جار خوێندراوەتەوە
جڤاتا دادوەریا هەرێمێ ڕاگەهاند، شاندەکێ کۆنسلخانەیا گشتی یا بەریتانیا ل هەرێمێ سەرەدانا وان کریە و دەربارەی دامەزراندنا دادگەهەکا تایبەت ب دادگەهکرنا تاوانێن داعش و بەردەوامی دان ب ڤەکرنا خۆلیێن تایبەت ب دادوەران و ڤەکۆلەرێن کەیسا تیرۆرێ گۆتۆبێژکرن.
ئەڤرۆ پێنجشەمبێ، جڤاتا دادوەرێن هەرێمێ دڕاگەهاندنەکێ دا بەلاڤکریە، شاندەکێ شاندەکێ کۆنسلخانەیا گشتی یا بەریتانیا ل هەرێما کوردستانێ ب سەرۆکایەتیا مێل سمارت جێگرا سەرۆکێ کۆنسۆلخانەیا بەریتانیا ل هەرێمێ سەرەدانا جڤاتا وەزیرێن هەرێمێ کر.
لگۆرەی ڕاگەهاندنێ، گۆتۆبێژ لسەر هەژمارەکا پرسێن پەیوەندیدار وەکی بەردەوامی دان ب ڤەکرنا خۆل و وورکشۆپێن تایبەت ب دادوەران و ئەندامێن داواکارێ گشتی و ڤەکۆلینێن دادوەری ل قوناغێن ڤەکۆلینێن دادگەهکرنا کەیسێن تایبەت ب تیرۆرێ ڤە کرن.
ئاماژە ب وێیەکێ ژی کر، دبەشەکێ دی یێ گۆتۆبێژان دا بەحسا دامەزراندنا دادگەهەکا تایبەت ب دادگەهکرنا توهمەتبارێن داعشێ ل هەرێما کوردستانێ کرن کو نها یاسا ل پەرلەمانی لژێر دیراسێ و گۆتۆبێژاندایە دناڤبەرا ئالیێن پەیوەندیدار.
ئەڤە د دەمەکی دایە، لدەما دەربازبووی کۆنسۆلخانەیا گشتیا بەریتانیا ل هەرێمێ خۆلەکا تایبەت دوی بیاڤیدا ڤەکر و هەژمارا دادوەر و ئەندامێن داخازکەرێ گشتی و ڤەکۆلینێن دادوەری تێدا بەژدار بوون. مێل سمارت جێگرا کۆنسۆلێ بەریتانیا ل هەرێمێ دێ بەردەوام دبیت لسەر ڤەکرنا خۆل و وورکشۆپێن تایبەت لسەر کەسیێن تیرۆرێ و ل داهاتی دێ بەردەوامێ ب وان خۆلان دەتن.
و.ح