فۆتۆ:
2021-06-17
441 جار خوێندراوەتەوە
هەموو لەشێ وێ ڕەش و شین ببوو، ئایشەیا ١٢ سالی ب گریانڤە جهێ برینێن خۆ نیشاندا، سزایەکێ گران بۆ زارۆکەکا بچیک تاوانا وێ رشتنا قازانەکا شیری بوو.
ئایشە چیرۆکا خۆ ب ڤی ئاوای ڤەگێرا، "ل دەما دوتنا پەزی، من میهەک گرتبوو، ئەز خافلبووم و من هاژێ نەما میهێ قازانا شیری رژاند و بابێ من ب کێڤل و دارا دانا من".
لگۆرەی ڕاپۆرتەکا نوژداریا نەخۆشخانەیا هەوارهاتنێ یا رزگاری، توندوتیژیا لەشی لهەمبەر هاتیە ئەنجامدان.
(ش.ک) دایکا ئایشە کو ژنا سێ یا وی زەلامی یە بۆ ئێن ئاڕ تی ڕاگەهاند، "هەڤژینێ وێ چار ژن هەنە و هەر ئێک ل جهەکی دژیت، کچا وێ ل دەف وێ نەبوو و بابێ وێ ژی ب مەرەما خۆدانکرنا مەرومالاتی و هایداربوون ل زارۆکێن هەردوو ژنێن دی بریە دەەف خۆ، پشتی ئەشکەنجەدانێ ڕەڤیە و خۆ لدەڤ دایکا خۆ ڤەشارتیە".
شرین سکالا لدەف پۆلیسێن قوشتەپە و پۆلیسێن پردێ تومارکریە و ڕاپۆرتا نوژداری ژی وەکی بەلگە بکارئینایە، لێ بسەدەما وێیەکێ ئەو زەلامە ل دەڤەرکا دناڤبەرا هێزێن پێشمەرگەی و سوپایێ عێراقێ دا کارێ بخۆدانکرنا پەزی دکەت هەیا نها نەهاتیە دەستەسەرکرن.
ئێن ئاڕ تی پەیوەندی ب بابێ وێ زارۆکێ کریە لێ پەیوەندی بەردەست نەبوویە، هەڤدەم خواستیە ب رێکا کەسێن نێزیکی وی پەیوەندیێ پێ بکەت لێ نەشیایە بگەهیتێ.
رزگار کوچەر، هەولێر
و.ح