فۆتۆ:
2021-06-17
708 جار خوێندراوەتەوە
وەزارەتا بەرەڤانیا تورکیا ڕاگەهاند، دئۆپەڕاسیۆنەکێ دا ئارتێشا وەلاتێ وان نەهـ چەکدارێن سەر ب پارتا کرێکاران ل هەرێما کوردستانێ کوشتنە.
وەزارەتا بەرەڤانیا تورکیا دتویتەرێ خۆدا بەلاڤکریە، ئارتێشا تورکیا ب رێکا ئۆپەراسیۆنێن خۆ دژی چەکدارێن سەر ب پەکەکێ ڤە، بتایبەتی دئۆپەراسیۆنێن چنگێ هەلۆ و پەنجا بریسیێ شیانە پێنج چەکدارێن سەر ب پەکەکێ ڤە بکوژن.
دتویتیدا ئاماژە ب وێیەکێ ژی کر، برێکا هێرشێن ئەسمانی ژی چار چەکدارێن دی یێن سەر ب پەکەکێ ڤە لدەڤەرا قورە کوشتنە.
د دەما سالێن دەربازبووی دا، ئارتێشا تورکیا هێرش و ئۆپەراسیۆنێن بەردەوام دژی چەکدارێن سەر ب پەکەکێ ڤە ئەنجامدانە و د ئەڤ سالەدا ب رێکا ئۆپەراسیۆنێن چنگی هەلۆ و پەنجا بریسیێ هێرشێن خۆ بۆ سەر گرۆپان درێژی پێدایە، بڤێ ژی زیانەکا مەزن گەهشتیە سروشت و ژینگەها وان دەڤەران و هەژمارەکا زێدەژی ژ گوندێن وان دەڤەران هاتینە چولکرن.
و.ح