فۆتۆ:
2021-06-16
106 جار خوێندراوەتەوە
دەما ٣٠ سالانە وەلاتیێن هەرێمێ ب دەست کێمبوونا ئاڤێ دنالن، گەلەک ژ وان خەفەریا سرا ئاڤێ هەبوو یان ئاڤ ب تانکەرى د کرى، هندەک ژى ژ چاڤەرێبوونا سرا ئاڤێ دخەو دچوون.
لێ تە رۆژەکێ پرسیار کریە ئەرێ ئەڤە چ ئاریشەیە؟ ڕەنگە باوەرنەکەین ئەگەر سەدەما سەرەکیا ئاریشێ بزانین، سەدەم نە هشکەسالیە و نە بهەدەردانا ئاڤێ یە.
بەلکو سەدەما کێمبوونا ئاڤا مالان بۆریەکا ئاڤێ یە، کو ئەگەر د دەما ٣٠ سالێن دەربازبووی دا دەسهەلاتێ شیابا تیرێ بۆریێ دوو جاران یان سێ جاران هند لێ بکەت یان چەند بۆریێن دى یێن وەکى وێ ڕابکێشیت نها ئاریشا ئاڤێ ل سلێمانى و چەمچەمال و پیرەمەگرون و تەکیە و بازیان نە دبوو.
دەسهەلاتێ د دەما ١٠ سالێن دەربازبووى دا ب درێژاهیا ب سەدان کیلومەتران بۆریا پەتڕۆلێ و گازێ ژ چەمچەمال و گەرمیان گەهاندیە بازارێن جیهانێ، لێ نەشیان د دەما ٣٠ سالان دا چەند بۆریەکێن ئاڤێ ژ دوکان بگەهینن سلێمانیێ کو بتنێ ٧٠ کیلومەتران ژ ئێک دوورن.
نووچەگەهانێ ئێن ئاڕ تى سەرەدانا ئاڤا قەشقۆلێ کریە و ژێدەرێ وێ بۆریێ ل وێرێ یە ئەو ئاڤە ئەگەر ب وێ بۆریێ ژى نە ڤەگۆهێزن بۆ سلێمانیێ بۆ ڤەخارنێ و بکارئینانێ، ئەو دێ هەر چیت و ناراوەستیت، ئەگەر بۆریێ بکەنە ١٠ بۆرى یان تیرەیا وێ مەزنتر بکەن چپکەک ئاڤێ ژ ئاڤا دەریاچا دوکان کێم نابیت، ژبەکو ئەو ئاڤ ب خۆ هەر ژ بەنداڤێ بەرەڤ باشورێ عێراقێ دچیت.
نها هوین وەلاتى دزانن ئاریشا کێمیا ئاڤێ وەک هەمى ئاریشێن دى ب بێ پلانى و کێمتر خەمیا دەسهەلاتێ و کابینەیێن ئێک ل دویف ئێکێ یێن حکومەتا هەرێمێ د دەما ٣٠ سالێن دەربازبووى دا چییە؟
د.ش