فۆتۆ:
2021-06-16
792 جار خوێندراوەتەوە
پشتی سێ رۆژان ژ بەرزەبوونێ تەرمێ گەنجەکی نێزیکی ٢٠ سالی ل رەخێن خابیرێ زاخۆ هاتە دیتن.
ئێک ژ کەسوکارێن وی بۆ ئێن ئاڕ تی ڕاگەهاند، ئێڤاریا ئەڤرۆ تەرمێ گەنجەکی بناڤێ عەبدولکەریم سالح یوسف لبەر لێڤا خابیرێ زاخۆ نێزیک دەرازینکا سنوریا ئیراهیم خەلیل هاتە دیتن.
گوت ژی، ژیێ وی دناڤبەرا ١٩ بۆ ٢٢ سالیێ دایە و ئاکنجێ باژارێ زاخۆ یە، بەریا سێ رۆژان ژ مال دەرکەتبوو و مالباتا وی چ تشت ژێ نەدزانین، لێ ئێڤاریا ئەڤرۆ تەرمێ وی هاتە دیتن.
بەحسا وێیەکێ ژی کر، تەرمێ وی بۆ نوژداریا داد ل دهۆکێ هاتیە ڤەگوهاستن و ڤەکۆلینان دەستپێکریە لێ هێشتا سەدەمێن ژیان ژدەستدانێ نەهاتنە ئاشکراکرن.
هەڤدەم ژێدەرەکی ژ نوژداریا داد ل باژارێ دهۆکێ بۆ ئێن ئاڕ تی ڕاگەهاند، ژبەرکو پتریا لەشێ وی هاتیە تێکدان و تێکچوویە ئەوان ب جلوبەرگان نیاسی یە.
ئەڤەد دەمەکی دایە، دەهەمان دەمدا رێڤەبەرێ پۆلیسێن بەردەڕەش بۆ ئێن ئاڕ تی ڕاگەهاند، تەرمێ پێشمەرگەیەکێ ل دوریانا گرگەجۆ ل سنورێ قەزا بەردەرەش بکوشتی دناڤا ترۆمبێلا وی دا هاتیە دیتن و ڤەکۆلینان لسەر وێ بویەرێ ژی دەستپێکریە.
و.ح