فۆتۆ:
2021-06-16
449 جار خوێندراوەتەوە
ئەندامێ سەرکردایەتیا یەکێتى پشتى کو رەخنێن توند ل ئەندامێن حزبا خۆ گرتین، ئەڤرۆ سەرەدانا لاهور جەنگى هەڤسەرۆکێ حزبا خۆ کریە و دبێژیت، "دێ رەخنێ ل خۆ گرم د هەر کار و ئاخفتنەکێ دا کو کەرامەتا یەکێتى یێ بشکێنیت و دێ پشتەڤان و هاریکاریێ تەمام بم بۆ وى ئەرکێ گرانێ ل ستوێ وان".
عەتا سەراوى ئەندامێ سەرکردایەتیا یەکێتى د ڕۆپەلا فەرمیا خۆدا ل فەیسبوکى بەلاڤکریە، کو سەرەدانا لاهور جەنگى هەڤسەرۆکێ یەکێتى کریە و دبێژیت، دگەل عیماد ئەحمەد سەرەدانا لاهور جەنگى کریە.
عەتا سەراوى دبێژیت، "لاهور جەنگى ب گیانەکێ برایانە و ب رەوشتێ بلندێ بەرپرسان و مام جەلال ب سینگەکێ بەرڤرەهـ، گلەی و گازندە ب تێبینی ڤە وەرگرت".
دبێژیت، "من زەلالکرنەک پێدڤى دا و من پشتراست کر کو ئەم کەرامەتا یەکێتى و سەرۆکێن خۆ دێ ب خۆینا خۆ پارێزین، دێ رەخنێ ل خۆ گرم د هەر کار و ئاخفتنەکێ دا کو کەرامەتا یەکێتیێ بشکێنیت و دێ پشتەڤان و هاریکاریێ تەمام بۆ وان بەرێزان بم بۆ وى ئەرکێ گران یێ ل ستوێ وان و سەرۆکایەتیا یەکێتى".
زەلال ژى کر، "ڤەگەریان بۆ پڕەنسیپێن حزبی و جێبەجێکرنا وان سوزان کو ل کۆنگرێ چار و هەلبژارتنێن پەرلەمانێ کوردستانێ مە ب خەلکێ کوردستانێ و هەڤال و ئەندام لایەنگرێن یەکێتیێ دایە، یەکێتیان پشتراستبن کو هەمى هەڤسەنگەر و هەڤخەبات و برایێن ئێکن و نەحەز و نەیار ژى چ جار نەشێن کەرب و کینێ بئێخنە دناڤبەرا مەدا".
ئەڤە ژى پشتى وێیەکێ دهێت، ل ٣٠ێ ئایارێ ل ٤٦ەمین سالیادا دامەزراندنا یەکێتى دا، عەتا سەراوى د نڤیسارەکێ دا ل ڕۆپەلا خۆ یا فەرمى د تۆڕا جڤاکیا فەیسبوکى دا بەرێ خۆ دا ئەندامێن حزبا خۆ و گوت، "پشتى نەخۆشبوونا مامى، وێ مێژووێ هەیا کۆنگرەى بینن پێش چاڤێن خۆ، کو مە چ خەون ب نوى بوون و ڤەگەریان بۆ پڕەنسیپ و مەبادئان و خۆدانا یەکێتى ژ ئالیێ خۆدانێ خۆ یێ رەسەن ڤە، "بۆ ڤەگەریانا وێ مێژوویێ، دێ هاریکار و پشتەڤانێن هەڤالان بافل تالەبانى و لاهور جەنگى بم، لێ دەرئەنجام بێ سوز و بێ وەفا دەرکەفتن، نها ژى ژ بەر حورمەتا مام جەلال و مێژووا مە زێدەتر ژ ڤێ نابێژم، دێ شەرمزار ببن، ئەى بێ سوز و بێ وەفا".
د.ش