فۆتۆ:
2021-06-16
419 جار خوێندراوەتەوە
وەزیرێ بازرگانی و پێشەسازیا هەرێمێ ڕاگەهاند، بۆ وێیەکێ گەنمێ باش و خراب نەهێنە تێکەلکرن ب بڕیارەکێ ڤەگوهاستنا گەنمی دناڤبەرا هەموو پارێزگەهێن عێراقێ دا هاتیە ڕاوەستاندن، وەزیرێ عێراقێ ژی دبێژیت، بهایێ وەرگرتنا گەنمێ جوتیاران ل هەموو سالیۆیێن عێراقێ وەکی ئێکن و چ جوداهی دبهاییدا نینە.
ئەڤرۆ چارشەمبێ، دکۆنفڕانسەکێ رۆژنامەڤانیێ هەڤبەشدا دگەل عەلاوی جبوری وەزیرێ بازرگانی و پێشەسازیا حکومەتا فیدڕال، کەمال موسلیم وەزیرێ بازرگانیا هەرێمێ ڕاگەهاندن، گۆتۆبێژ دەربارەی فۆرما بەشە خۆراک و ئاش تۆمارکرنا کۆمپانیان و شایستەیێن دارایێن جوتیارێن هەرێمێ کرنە، ئاماژە ب وێیەکێ ژی کرن، وەزیرێ بازرگانی و فیدڕالی ژی سوزدا ئاریشەیێن شایسە دارایێن سالێن دەربازبووی یێن گەنمێ جوتیارێن هەرێمێ بگەهینتە جڤاتا وەزیران.
دەربارەی وەرگرتنا گەنمی ژی ژئالیێ حکومەتێ فیدڕال ڤە وەزیرێ هەرێمێ گوت، "رێژا ئەوی گەنمێ دێ هێتە وەرگرتن وەزارەتا کشۆکالێ دیار دکەت و نە کارێ مەیە، ئەڤ سالە بتنێ ٣٧٥ هزار تەن گەنمێ جوتیاران دێ هێتە وەرگرتن".
دەربارەی جیاوازیا بهایێ گەنمێ دهێتە وەرگرتن ژ هەرێمێ و پارێزگەهێن دی، وەزیرێ بازرگانیێ حکومەتا فیدڕال ئاماژە ب وێیەکێ کر، چ جیاوازی دناڤبەرا بهایێ وەرکرتنا گەنمی دا نینن و بهەمان بها دێ ژ هەمی پارێزگەهان ژ جوتیاران هێتە وەرگرتن.
ژ ئالیێ خۆڤەژی، عەلا جبوری وەزیرێ بازرگانیا عێراقێ دەربارەی پارڤەکرنا بەشەخۆراکا مەهان ڕاگەهاند، دەەستپێکا مەها داهاتی دێ دەست ب پارڤەکرنا بەشەخۆراکێ هێتە کرن و مە بەحس ل رێکارێن ئامادەکاریان کریە.
و.ح