فۆتۆ:
2021-06-16
133 جار خوێندراوەتەوە
سەرۆکێ فراکسیۆنا پارتى ل پەرلەمانێ عێراقێ ڕاگەهاند، هندەک دەڤەر هەنە کو ژ ئالێ ئەولەهیێ ڤە توند نینن و ژئالیێ پەکەکێ ڤە ب دەلیڤە دزانن".
ڤیان سەبرى سەرۆکێ فراکسیۆنا پارتى ل پەرلەمانێ عێراقێ د داخۆیانیەکێ دا بۆ ئاژانسا نووچەیێن عێراق ئاماژە ب وێیەکێ کر، زێدەکرنا هەماهەنگی و هەڤکاریا دناڤبەرا وەزارەتا بەرەڤانیا فیدرال و وەزارەتا پێشمەرگەی گەلەک گرنگە، داخاز ژى کر، "هژمارا هێزێن زێرەڤانێن سنورى ل هەرێما کوردستانێ زێدە بکەن، ژبەرکو هندەک دەڤەر هەنە کو ژ ئالیێ ئەولەهیێ ڤە توند نینن و ژ ئالیێ پەکەکێ ڤە ب دەلیڤە دزانن، کو ئەو ژى د سەرەدانا مە بۆ دەڤەرا باتیفا یا سەر ب قەزا زاخۆ ڤە هات دیتن".
سەرۆکێ فراکسیۆنا پارتى ڕاگەهاند ژى، گرنگ پالپشتیا لۆجستى، رادار و کامیرێن چاڤدێرى و پشتەڤانیا داراییی ژ ئالیێ وەزارەتا بەرەڤانیا عێراقێ ڤە بۆ وەزارەتا پێشمەرگەى زێدە بکەن، دبێژیت ژى، "هژمارە کا کێم ژ هێزێن پیشمەرگەى ل وان دەڤەران جێگیر کرینە و پێتڤیە هژمارا زێرەڤانێن سنورى بهێنە زێدەکر".
ڤیان سەبرى گوت ژى، "د کڤانا جڤینا مەدا دگەل جومعە عناد وەزیرێ بەرەڤانیا عێراقێ ئاریشەیێن دەڤەرێن سنورى هاتنە بەرچاڤ خستن و مە گوتیە کو پاراستنا سنورێن هەرێمێ بەرپرسیارەتیا تەمام کەرا دناڤبەرا حکومەتا فیدرال و حکومەتا هەرێما کوردستانێ یە".
ئەڤە ژى د دەمەکى دایە، تورکیا دەست ب هێرشێن خۆ کریە ل هەرێما کوردستانێ، کو ب وێ سەدەمێ چەندین کەس هاتینە کوشتن و بریندارکرن و زیان ب چەندین وەلاتیێن دەڤەرێن سنورى کەفتیە.
لگورەى گوتنا وەزارەتا پێشمەرگەی، رۆژا ٥ێ ڤێ مەهێ ل سنورێ چیایێ مەتینا پەکەکێ هێرش کریە سەر هێزێن پێشمەرگەی و ب وێ سەدەمێ، پێنج پێشمەرگە شەهیدبوون و حەفتێن دی ژى برینداربوون.
هەشتى ڤێ مەهێ، وەزارەتا پێشمەرگەی گوت، ل ناحیا دەرکارێ سەر ب قەزا زاخۆ ب چەکێ قەناس پێشمەرگەیەک هاتە شەهیدکرن و پەکەکە ژى ئەنجامدەرێ وێ هێرشێ یە.
لێ چەند بەرپرسەکێن پەکەکێ ژى ئەو چەندە ڕەت کریە و بێ ئاگەهیا خۆ ژ هەردوو بوویەران ڕاگەهاند و بەحسا وێیەکێ کر، ئەو بتنێ دگەل حکومەتا تورکیا شەڕى دکەن.
د.ش