فۆتۆ:
2021-06-16
659 جار خوێندراوەتەوە
جوتیار عادل پەیڤدارێ حکومەتا هەرێمێ ڕاگەهاند، دگەل وێیەکێ نە مووچە بێ لێبرین بهێتەدان، لێ داهاتێ خەلکی نەبتنێ بۆ مووچەی یە بەلکو بۆ پرۆژە و خزمەتگوزاریانە ژی.
جوتیار عادل پەیڤدارێ حکومەتا هەرێمێ دکۆنفرانسەکێ رۆژنامەڤانیدا ڕاگەهاند، دەربارەی لێبڕینا مووچەی، دڤێت پارە ژ بەغدا بهێت و ئەم لێکدانێن خۆ بکەین پاشی بڕیارێ دەربارەی لێبڕینێ بدەین.
گوت ژی، دەما هاتنا پارەی ژ بەغدا نزانین و پەیوەندی ب حکومەتا عێراقێ ڤە هەیە، حکومەتا عێراقێ ژی بڕیاردایە مەهانە ٢٠٠ ملیار دیناران بۆ هەرێمێ بشینیت.
دبێژیت ژی، پابەندین لسەر وێیەکێ کو ٣٠ رۆژان جارەکێ مووچەی بدەین.
زەلال ژی کر، کو ئەم دگەل شەرێ کورد و کوردان نینن و مە دڤێت قەوارا هەرێمێ ب پارێزین.
دەربارەی پێدانا نەخۆشخانان ژی ب کەرتێ تایبەت ڕاگەهاند، چ نەخۆشخانەیێن حکومی نادەنە کەرتێ تایبەت و ئەو گوتنێن دوێ دەربارێ دا دهێنە کرن، "ئەسل و ئەساس نینن".
دەما زێدەتری دوو مەهانە بودجا عێراقێ هاتیە پەسەندکرن، پشکا هەرێمێ د بودجەیا عێراقێ دا ١٢.٦٧%ێ هاتیە دیارکرن لهەمبەری وێیەکێ، حکومەتا هەرێمێ ب ڕادەستکرنا ٢٥٠ هزار بەڕمیلێن پەتڕۆلا رۆژانە ب بهایێ سۆمۆ دگەل ڕادەستکرنا نیڤیا داهاتێ خالێن سنوری هاتیە پابەندکرن، لێ هەیا نها چ کۆژمێن پارەی ژ بەغدا بۆ هەرێمێ نەهاتیە.
هەڤدەم، هەیا نها حکومەتا هەرێمێ چ بڕیار دەربارەی لێبڕینا مووچەی نەدانە، ئەڤەژی زێدەباری وێیەکێ کو بهایێ پەتڕۆلێ زێدەتری ٧٠ دۆلاران بلندبوویە.
و.ح