فۆتۆ:
2021-06-16
142 جار خوێندراوەتەوە
شانەیا ئەولەهیا عێراقێ ڕاگەهاند، هەڤپەیمانێن ناڤدەولەتیێن لدژی داعش ب بهایێ ئێک ملیۆن و هزار و ٣٦٦ دۆلاران چەک و پێتڤیێن سەربازی ڕادەستی زێرەڤانێن سنوریێن هەرێمێ کرینە.
شانەیا ئەولەهیا عێراقێ د ڕاگەهاندنەکێ دا ئاماژە ب وێیەکێ کر، هاریکاری د چارچوڤێ پشتەڤانیکرن و راهێنانپێکرنا ئاڕتێشا عێراقێ و هێزێن پێشمەرگەی ژ ئالیێ هەڤپەیمانێن ناڤدەولەتی ڤە ڕادەستی زێرەڤانێن سنوریێن کرینە ل هەرێمێ کو بەشەکە ژ سندوقا کۆمەکیا ناڤدەولەتی یا لدژی داعش.
ژ سالا ٢٠١٤ێ وەوە و پشتی سەرهەلدانا گروپێ چەکداریێ داعش هەڤپەیمانیا ناڤدەولەتی د چارچوڤێ پشتەڤانیکرنا ئاڕتێشا عێراقێ و هێزێن پێشمەرگەی بۆ بەرهنگاربوونا وی گروپی سندوقەکا کۆمەکیا ناڤدەولەتی پێکئینابوو بۆ کۆمکرنا کۆمەکیا دارایی و سەربازی ل پێناڤ ئامادەکرنا ئاڕتێشا عێراقێ و هێزێن پێشمەرگەی بۆ بەرهنگاربوون و شکەستنا داعشێ.
م.م