فۆتۆ:
2021-06-16
523 جار خوێندراوەتەوە
ژ ئەنجامێ توپبارانێن ئارتێشا تورکیا ل دەڤەرا بەرواری بالا ل سنورێ ناحیا کانی ماسێ دوو رۆژن ئاگر ب رەز وباخ ودارستانێن سێ گوندێن وێ دەڤەرێ کەتیە.
عەزیز بەرواری بەرپرسێ هوبا چاندێ ل ناحیا کانی ماسێ بو ئێن ئاڕ تی ڕاگەهاند، ژ ئەنجاما توپبارانێن ئارتێشا تورکیا دوو رۆژن ئاگر ب بەشەکا رەز وباخ ودارستانێن گوندێن قومریێ و تشیش و دەرگەلکا سەیدا ل دەڤەرا بەرواری بالا کەفتیە و و نها ئاگر بەرفرەهتر لێ هاتیە .
ئاماژە ب وێیەکێ ژی کر، ئەو جهێ ئاگر بەربوویێ تڕمبێلێن ئاگر ڤەمراندنێ ناگەهنێ لەوما ڤەمراندنا ئاگری ب زەحمەتە.
ئەڤە ددەمەکیدایە، هەیاما نێزیکی دوو مەهایە شەڕێ ئارتێشا تورکیا و پەکەکێ ل دەڤەرا بەرواری بالا بەردەوامە و تا نها نێزیکی ٢ هزار دونەمێن رەز وباخ ودارستانێن وێ دەڤەرێ سوتینە.
نیهاد ئورەماری، ئامێدیێ
هـ.ئـ