فۆتۆ:
2021-06-16
92 جار خوێندراوەتەوە
ئەڤرۆ چارشەمبی، جڤاتا وەزیرێن هەرێما کوردستانێ ب مەرەما گۆتۆبێژکرنا چەند پرسیاران و دناڤ واندا گۆتۆبێژێن هەرێم و بەغدا و بودجەی دێ جڤیت.
فەرمانگەها میدیا و زانیاریێن حکومەتا هەرێما کوردستانێ د ڕاگەهاندنەکێدا ڕاگەهاند، ئەڤرۆ چارشەمبی، جڤاتا وەزیران دێ جڤیت و بەحسا سەرەدانا شاندێ حکومەتا هەرێمێ بۆ ئەوروپا کەت.
ئاماژە ب وێیەکێ کریە، گۆتۆبێژ دەربارەی گۆتۆبێژێن هەرێمێ و بەغدا و دەرئەنجامێن جڤینێن هەردوو ئالیان دێ هێتە کرن.
فەرمانگەها میدیا و زانیاریان دبێژیت ژی، دێ گۆتۆبێژ لسەر پرۆژەیاسایا بودجەیا هەرێمێ بۆ ئەڤسالە هێتە کرن، گوتژی، د جڤینێ دا دێ بەحس ل رێکخستنا دەواما سازیێن حکومەتا هەرێما کوردستانێ هێتە کرن.
شەڤا دەربازبووی، مەسرور بارزانی سەرۆکێ حکومەتا هەرێمێ ڕاگەهاند، دگەل بەغدا گەهشتنە لهەڤهاتنێ و دێ بەشێ بودجەیا هەرێمێ ڤەگەرینیت، گوتبووژی، "ئەڤە وەرچەرخانەکا گرنگە و پێکڤە بسەر رێگریێەکا دژواردا زالبووین".
دەما زێدەتری دوو مەهانە بودجەیێ عێراقێ هاتیە پەسەندکرن، پشکا هەرێمێ ژی د بوجەیا عێراقێ دا ب ١٢.٦٧% هاتیە دیارکرن، لهەمبەر وێیەکێ ژی حکومەتا هەرێمێ پابەندکریە لسەر ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل ڕادەستکرنا نیڤا داهاتێ خالێن سنوری، لێ هەیا نها چ کۆژمێن پارەی ژ بەغدا نەگەهشتنە هەرێما کوردستانێ.
هـ.ئـ