فۆتۆ:
2021-06-16
490 جار خوێندراوەتەوە
ڕێڤەبەرێ پۆلیسێن سلێمانیێ ڕاگەهاند، کەسەک ب توهمەتا کوشتنا ژنەکێ و بجهێلانا لەشێ وێ ب روویسی هاتە دەستەسەرکرن.
ئەڤرۆ چارشەمبی، ئاسۆ تەها ڕێڤەبەرێ پۆلیسێن سلێمانیێ ڕاگەهاندنەک بەلاڤکر و تێدا هاتیە، ل شەڤا ٢٩ لسەر ٣٠ی مەها گۆلانا سالا ٢٠٢١ێ، دەمژمێر ١٢ی شەڤ تەرمێ ژنەکێ کو یا روویس بوو ل گۆرستانا سەیوان هاتە دیتن.
ڕاگەهاند ژی، لسەر وێ دوسیێ کەسەک ب توهمەتا ئەنجامدانا وی کاری هاتیە دەستەسەرکرن.
د بەشەکێ دیێ ڕاگەهاندنێ دا هاتیە، "پشتی ڤەکولینان و کومکرنا زانیاریێن هوویر و ب بڕیارا دادوەری، پۆلیسێن سلێمانیێ شیان وی توهمەتباری ل هەمان جهێ تاوان لێ ئەنجامدای دەستەسەربکەن".
دبێژیت، توهمەتبار (ب، ب، ح ژ دایکبوویێ ١٩٩٧ێ) یە ل هەمبەر دادوەرێ ڤەکولینێ دانپێدان ب تاوانا خۆ کریە و دنهادا ب بڕیارا دادوەری دەستەسەرکریە و ڤەکولین لسەر بوویەرێ دبەردەوامن.
ئەڤە د دەمەکی دایە، ل ٣٠ی گۆلانا ئەڤسالە پۆلیسێن سلێمانیێ رایگەیاندبوو، تەرمێ ژنەکێ ل گۆرستانا سەیوان هاتیە دیتن و لگورەی زانیاریان ئەو ژنە خەلکا کۆیە بوویە.
م.م