فۆتۆ:
2021-06-16
2322 جار خوێندراوەتەوە
لگورەی ئاخفتنا جێگرێ سەرۆکێ حکومەتا هەرێمێ، هژمارا بێ نمونەی دێ بسەر مووچەخۆران دا پارڤەکەن و "بندیوار و سەر دیواران ناهێلین".
قوباد تالەبانی جێگرێ سەرۆکێ حکومەتا هەرێمێ ڕاگەهاند، "من نووچەیەکێ دلخۆشکەر هەیە، کو ٤٧٥ هزار هژمارا بێ نمونەیا کەسی دێ بسەر مووچەخۆران دا پارڤەکەین، دبێژیت ژی، ئەڤە دبیتە دەستپێکەک بۆ رێکخستنا میلاک، و باشکرنا خزمەتکرنا مووچەخۆران و دەسپێکەک بۆ ئەلیکترۆنیکرنا حکومەتێ".
جێگرێ سەرۆکێ حکومەتا هەرێمێ ئاماژە ب وێیەکێ کر، "هژمارا بێ نمونەی ئاریشەیا دوو ناڤی و سێ ناڤی، بندیوار و سەر دیوار ناهێلیت"، دبێژیت ژی، "مە دڤێت حکومڕانیا هەرێما کوردستانێ باشتر و بلەزتر و زەلالتر لێ بکەین چونکە حکومەت ل پێناڤ خزمەتا خەلکی دروستبوویە".
قوباد تالەبانی گوتژی، "ئاریشەیا مەیا مەزن یاسایە و یاسایێن هەرێما کوردستانێ و عێراقێ پتریا وان دکەڤنن و بۆ نها نەهاتینە نڤیسین و پێتڤیە بهێنە گۆهرین".
ل دەمێ دەستبەکاربوونا کابینەیا نەهێ یا حکومەتا هەرێمێ هەیا نها "چاکسازی" دروشمێ ڤێ کابینێ یە و وێ کابینێ دیارکریە، کو دڤێت چاکسازیێ بکەن و ڕەوشا وەلاتیان و کوردستانێ باشتر بکەن، لێ دگەل وێیەکێ دا، وەلاتی گازندەیان ژ ڕەوشا ژیانا خۆ و نەبوونا خزمەتگوزاریان و دەرفەتێن کاری دکەن، زێدەباری وێیەکێ مووچەی ژی ب لێبڕینڤە دهێتە پارڤەکرن.
م.م