فۆتۆ:
2021-06-15
733 جار خوێندراوەتەوە
وەزیرێ هەرێمێ بۆ کاروبارێن دانوستاندنا دگەل بەغدا ڕاگەهاند، جڤاتا وەزیرێن عێراقێ بڕیاردا مەهانە کۆژمێ ٢٠٠ ملیۆن دیناران بۆ هەرێما کوردستانێ بشینیت.
خالد شوانی وەزیرێ هەرێمێ بۆ کاروبارێن دانوستاندنێ دگەل بەغدا کو ئەندامێ شاندێ دانوستانکارێن هەرێمێ یە ڕاگەهاند، پشتی بزاڤ و گۆتۆبێژێن تیما دانوستاندنکارێ هەرێمێ ل پێناڤ جێبەجێکرنا یاسایا بودجەی و هاڤێنا پێنگاڤێن کراداری یێن حکومەتا هەرێمێ بۆ جێبەجێکرنا پابەندبوونان، ئەڤرۆ سێشەمبی، جڤاتا وەزیرێن عێراقێ بڕیارادا مەهانە کۆژمێ ٢٠٠ ملیار دیناران بۆ هەرێما کوردستانێ بشینیت.
خالد شوانی بەحسا وێیەکێ ژی کر، تیما هەڤبەشا چاڤدێریا داراییا فیدڕالی و هەرێمێ دەست ب هویربینیان لسەر داهاتێ پەتڕۆلا فیدڕالی کرنە د دەمەکی نێزیکدا دێ ڕاپۆرتەکا هەڤبەش ئامادەبیت.
ئەڤ شەڤە، مەسرور بارزانی سەرۆکێ حکومەتا هەرێمێ ڕاگەهاند، دگەل بەغدا گەهشتنە لهەڤهاتنێ بەشێ بودجا هەرێمێ ڤەگەرینیت، گوتبووژی، "ئەڤە وەرچەرخانەکا گرنگە و پێکڤە بسەر رێگریێەکا دژواردا زالبووین".
دەما زێدەتری دوو مەهانە بودجەیێ عێراقێ هاتیە پەسەندکرن، پشکا هەرێمێ ژی د بوجەیا عێراقێ دا ب ١٢.٦٧% هاتیە دیارکرن، لهەمبەر وێیەکێ ژی حکومەتا هەرێمێ پابەندکریە لسەر ڕادەستکرنا ٢٥٠ هزار بەرمیلێن پەتڕۆلا رۆژانە ب بهایێ سۆمۆ دگەل ڕادەستکرنا نیڤا داهاتێ خالێن سنوری ، لێ هەیا نها چ کۆژمێن پارەی ژ بەغدا نەگەهشتنە هەرێما کوردستانێ.
و.ح