فۆتۆ:
2021-06-15
315 جار خوێندراوەتەوە
ڕێڤەبەرێ گشتى ل وەزارەتا بازرگانى یا هەرێمێ ڕاگەهاند، د ئەڤ سالەدا مۆلەتا ئینانا کەلوپەلان ب نێزیکى دوو هزار و ٥٠٠ بازرگانان دایە، کو چەندین جۆرێن کەلوپەلان هاوردەکرینە، دبێژیت ژى، "ڤەلڤینا بازرگانى بلندبوویە".
نەوزاد کامیل ڕێڤەبەرێ گشتى ل وەزارەتا بازرگانیا هەرێمێ بۆ مالپەرێ پارتى بەحسا وێیەکێ کر، لڤینا بازرگانى لهەمبەرى سالا دەربازبووى زێدەبوویە و هژمارا مولەتێن بازرگانى ژى زێدەبوونە، ب ئاوایەکى ئەڤسالە نێزیکى دوو هزار و ٥٠٠ مولەتێن بازرگانى داینە.
دەربارەى جۆرێ مولەتان ژى، نەوزاد کامیل ئاماژە ب وێیەکێ کر، ئەو مولەتێن هاتینە دان ب بازرگانان هەیا کو کەلوپەلێن بازرگانى هاوردەی هەرێما کوردستانێ بکەن.
دەربارەى جۆرێ کەلۆپەلان ژى کو هاتینە هاوردەکرن بۆ هەرێمێ دیار ژى کر، پرانیا ئەو کەلوپەلێن بۆ هەرێما کوردستانێ هاتینە هاوردەکرن بیاڤێن پیشەسازى و دەرمانێن نۆژدارى و ئاژەل و خۆراک و چەندین جۆرێن دى یێن کەلوپەلان هاتینە هاوردەکرن، دەربارەى شاندنێ ژى ئەو یەک گوت، کو "شاندنا مە کێمە".
ئەڤە د دەمەکى دایە، پشتى سەرهلدان و بەلاڤبوونا ڤایرۆسا کۆرۆنایێ ئاستێ ڤەلڤینا بازرگانى ل دەرازینکێن سنوریێن هەرێما کوردستانێ ب ئاوایەکێ بەرچاڤ داکەت و ڤێ ژى کاریگەرى کرە سەر رێژا داهاتێ ناڤخۆیێ حکومەتا هەرێمێ.
د.ش