فۆتۆ:
2021-06-15
1549 جار خوێندراوەتەوە
مەسرور بارزانی سەرۆکێ حکومەتا هەرێمێ دتویتەکی دا بەلاڤکر، "مە دگەل مستەفا کازمی گۆتۆبێژ دەربارەی پابەندبوونا مە یا هەڤبەش بۆ ڕاستکرنا پەیوەندیێن دناڤبەرا هەولێر و بەغدا دا کرن".
سەرۆکێ حکومەتا هەرێمێ ڕاگەهاند، "مە دگەل مستەفا کازمى گۆتوبێژکر دەربارەى پابەندبوونا مە یا هەڤبەش بۆ سەر ڕاستکرنا پەیوەندیێن دناڤبەرا هەرێمێ و بەغدا کر".
ئەڤرۆ سێشەمبى، مەسرور بارزانى سەرۆکێ حکومەتا هەرێمێ د تویتەرێ خۆ دا بەحسا وێیەکێ کر، دگەل مستەفا کازمى دا گۆتوبێژا پابەندبوونا سەر ڕاستکرنا پەیوەندیێن هەرێم و بەغدا کریە و دبێژیت ژى، "خۆشحالم ڕادگەهینم کو گەهشتینە لهەڤهاتنەکێ کۆ بەشە بودجەیا هەرێما کوردستانێ ڤەگەرینن ڤە، ئەڤە ژى ژ مەها ئێک یا ئەڤسالە دهێتە حسابکرن ب (أثر رجعي)".
ئەڤرۆ د میدیایێ دا بەلاڤبوویە کو بەغدا پشتى هویربینی یێ کۆژمەکێ پارەى دێ بۆ هەرێمێ شینن، لێ ئەڤە ژ بەریا نها و ب دیاریکرى ل پرۆژە یاسایا بودجەیێ ئەڤسالە دا جێگیر کریە و تێدا پشکا هەرێمێ و پابەندبوونێن وێ ژى دیاریکریە.
هەڤدەم، قوباد تالەبانى جێگرێ سەرۆکێ حکومەتا هەرێمێ پشتى ڤەگەریانێ ژ داوى سەرەدان بۆ بەغدا وەک سەرۆکێ شاندا هەرێمێ ڕاگەهاند، "د داهاتیەکێ نێزیک دا تەڤایا رێگیریێن لهەمبەر شاندنا بەشە بودجەیا هەرێمێ نامینن و چ هێجەت ل پێشیا نە شاندنا بەشە بودجەیا هەرێمێ نینن".
دەما زێدەترى دوو مەهە بودجەیێ عێراقێ پەسەندکریە، پشکا هەرێمێ ژ بودجەیا عێراقێ ب ١٢.٦٧%ێ دیارکیە، لهەمبەر دا، حکومەتا هەرێمێ پابەندکریە ب ڕادەستکرنا ٢٥٠ هزار بەرمیلێن پەتڕۆلێ یێن رۆژانە ب بهایێ سۆمۆ دگەل ڕادەستکرنا نیڤەک ژ داهاتێ دەرازینکێن سنورى، لێ هەیا نها چ کۆژمێن پارەی ژ بەغدا نەهاتیە بۆ هەرێمێ.
مەها دەربازبووى، بسەدەما وێیەکێ پارتى و یەکێتى داهتێن خۆ ب تەمامى نە ڤەگەراندنە گەنجینەیا حکومەتێ پارڤەکرنا مووچەی پاشکەفت و پەرلەمانتارێن وان ئێک و دوو ب نە ڤەگەراندنا داهاتى و درەنگ پارڤەکرنا مووچەى توهمەتبار دکر.
د.ش