فۆتۆ:
2021-06-15
947 جار خوێندراوەتەوە
د پەیامەکێ دا سەرۆکێ رەوتا سەدر، هیڤیا سەرکەفتنێ بۆ هەلبژارتیا عێراقێ د یاریا وان یا دناڤبەرا ئیرانێ دا د خازین.
موقتەدا سەدر سەرۆکێ رەوتا سەدر پەیامەک بەلاڤکر و ئەو ژى تێدا هاتیە، تەکەز ل ئەنجامدانا چاکسازیێ د پێگەهێ وەرزشێ ل عێراقێ دا دکەت و دڤێت وەرزش ژ گەندەلیێ دوور بیت.
ئاماژە ب وێیەکێ ژى کر، چ کەس نوینەریێ ژ پێگەهێ وەرزشێ ناکەت، ژبلى وێ لژنەیێ یاکو بۆ نەهێلانا گەندەلێ د وی بیاڤى دا چالاکە.
سێ مەهان ژ بەریا نها، موقتەدا سەدر لژنەیەک بۆ نەهێلانا گەندەلیێ د وەرزشێ دا پێکئینا و دنها دا ژى د کارێن خۆ دا بەردەوامە.
ئەڤ شەڤە، ژ پێخەمەت گەهشتن بۆ قۆناغا داویێ یا ڤاڤارتنێ بۆ مۆندیالا ٢٠٢٢ێ هەلبژارتیا عێراقێ یاریا چارەنڤیس ساز ل هەمبەرى ئیرانێ دێ ئەنجام دەت و د دەما برنا وێ ژى دا خەلات بۆ یاریزانان دانایە.
عێراق د دوو یاریێن دەربازبووی دا شیایە سەرکەفتنێ ب سەر هەردوو هەلبژارتیێن کەمبۆدیا و هۆنگ کۆنگ دا بدەستڤەبینیت و ئیرانێ ژى ژ بەحرەین و کەمبوودیا برییە.
هەلبژارتیا عێراقێ د مێژویا یاریێن مۆندیالێ دا، بتنێ ئێک جار و ل سالا ١٩٨٦ێ دا بۆ وێ هەلبژارتیێ سەرکەفتیە کو ل وەلاتێ مەکسیک برێڤەچوو، هەلبژارتیا عێراقێ کەفتبوو گرۆپێ بى و دگەل هەلبژارتیێن پاراگواى و مەکسیک و بەلجیکا دا یارى دکر.
د.ش