فۆتۆ:
2021-06-15
1517 جار خوێندراوەتەوە
بریکارێ بەرێ یێ وەزارەتا داراییا عێراقێ بۆ ئێن ئاڕ تی ڕاگەهاند، "حکومەتا هەرێمێ ئەرکێ خۆ جێبەجێکریە و چ هێجەتەک بۆ جێبەجێکرنا یاسایا بودجەی نەهێلانە"، دبێژیت ژی، "ئەگەر حکومەتا عێراقێ پابەند نەبیت، هەرێم دشێت ل دادگەها فیدڕالی سکالایێ تۆماربکەت".
فازل نەبی بریکارێ بەرێ یێ وەزارەتا داراییا عێراقێ بەحسا وێیەکێ ژی بۆ ئێن ئاڕ تی کر، "حکومەتا عێراقێ نەچارە پابەندی یاسایا بودجەی بیت، ژبەرکو ل پەرلەمانی دەنگ لسەر هاتیەدان و بوویە یاسا".
بەحسا وێیەکێ ژی کر، "پشتی دیارکرنا ئەنجامێن هویربینیێن لژنا هەڤبەشا چاڤدێریا داراییا هەرێم و بەغدا و رازیبوون لسەر، ئەگەر بەغدا لسەر وێ لهەڤهاتنێ پابەند نەبیت، حکومەتا هەرێمێ ل دادگەها فیدڕالی سکالایێ بکەت دێ سکالایێ ژی بەتن".
ئەڤە ژی ددەمەکی دایە، ل ٣١ی ئادارا ئەڤ سالە پرۆژەیاسایا بودجەیێ عێراقێ هاتە پەسەندکرن و تێدا پشکا هەرێمێ ب رێژا ١٢.٦٧%ێ پەسەندکر، لگۆرەی یاسایێ حکومەتا هەرێمێ هاتیە پابەندکرن رۆژانە ٢٥٠ هزار بەرمیلێن پەتڕۆلا خاڤ ڕادەستی کۆمپانیا سۆمۆ بکەت و ٥٠%ێ یا داهاتێ نەیێ پەتڕۆلێ و خالێن سنوری ڕادەستی حکومەتا فیدڕالی بکەتن.
ئەو ژی د دەمەکی دایە، بۆ دەما زێدەتری دوو مەهانە بودجەیێ عێراقێ هاتیە پەسەندکرن، لێ هەیا نها چ کۆژمێن پارەی ژ بەغدا نەهاتنە بۆ هەرێمێ.
پشکا هەرێمێ د بودجەییا عێراقێ دا ب ١٢.٦٧%ێ هاتیە دیارکرن، لهەمبەر وێیەکێ ژی، حکومەتا هەرێمێ هاتیە پابەندکرن لسەر ڕادەستکرنا ٢٥٠ هزار بەرمیلێن پەترۆلێ ب بهایێ سۆمۆ دگەل ڕادەستکرنا نیڤا داهاتێ خالێن سنوری.
مەها دەربازبووی، بسەدەما وێیەکێ پارتی و یەکێتی داهاتێن خۆ بتەمامی نەزفراند خەزینا حکومەتێ پارڤەکرنا مووچەی پاشکەفت و پەرلەمانتارێن وان ئێک و دوو لسەر نەزفراندنا داهاتی و درەنگ دابەشکرنا مووچەی تۆهمەتبارکرن.
و,ح