فۆتۆ:
2021-06-15
105 جار خوێندراوەتەوە
وەزارەتا ساخلەمیا هەرێما کوردستانێ ئامارێن نوى یێن کۆرۆنایێ بەلاڤکرن و حالەتێن توشبوون ب هەڤبەرى دوهى ٣٨% و ژیان ژ دەست دان ب ڕێژا ١٥% داکەت.
ئەڤرۆ سێشەمبى، وەزارەتا ساخلەمیا هەرێمێ ڕاگەهاند، د دەما ٢٤ دەمژمێرێن دەربازبوویدا ژ سەرجەمێ هەشت هزار و ١٠٢ پشکنینان بتنێ، ٥٠٢ حالەتێن توشبوون ب کۆرۆنایێ هاتنە تۆمارکرن،ب ڤی ئاواییە ل هەولێرێ ٨٣ کەس، سلێمانی ٢٢٧ کەس، دهۆک ١٥٢ کەس و گەرمیان ٣٦ کەس، راپەرین سێ کەس و هەلەبجە شەش حالەت ب ڤایرۆسێ هاتینە تۆمارکرن.
د وێ ڕاگەهاندنێ دا ئەو یەک ژى هاتیە، چارەسەربوون ب رێژا ١١% کێمبوویە کو ٥١٨ ژ ڤایرۆسى چارەسەربوونە، ب ئاوایەکى، ل هەولێرێ ١٤١ کەس، سلێمانی ٢١٤ کەس، دهۆک ١١٣ کەس، گەرمیان ٤٠ کەس، راپەرین پێنج کەس هەلەبجە پێنج کەس، ژڤایرۆسى چارەسەربوون.
هەڤدەم، بتنێ حەفت حالەتێن ژیان ژ دەستدانێ ب کۆرۆنایێ هاتنە تۆمارکرن ب ئاوایەکى سێ ل هەولێرێ، ئێک ل سلێمانیێ، دوو ل دهۆکێ و کەسەک ژى ل هەلەبچە ب ڤایرۆسێ ژیانا خۆ ژدەست دا.
ئەڤە ژى د دەمەکى دایە، پشت بەلاڤبوونا ڤایروسێ کۆرۆنا ل سالا ٢٠١٩ ل باژێرێ وهانێ چینێ، هەیا نها ل هەرێمێ ١٧٧ هزار و ٧٧٩ کەس تووشى ڤایروسى بوون، هەڤدەم ١٦٦ هزار و ٢٠٢ کەس چارەسەر بوونە و چار هزار و ٣٨٠ کەسێن دى ژى بسەدەما ڤایروسێ ژیانا خۆ ژ دەستدایە.
د.ش