فۆتۆ:
2021-06-15
139 جار خوێندراوەتەوە
ئەندامەکێ لژنەیا دارایی ل پەرلەمانێ کوردستانێ ڕاگەهاند، حکومەتا هەرێمی ژ داهاتێ ناڤخۆیێ نە پەتڕۆلی و خالێن سنوری نێزیکی ٢٨٠ ملیار دینار و ژ داهاتێ پەتڕۆلێ ژی ٨٠٠ ملیۆن دۆلار دەستدکەڤن، بڤێ یەکێ ژی دکارن بێ لێبڕین و د دەمێ خۆدا موچەی پارڤەبکەت.
سەرکۆ ئازاد ئەندامێ لژنەیا دارایی ل پەرلەمانی کوردستان د کڤانێ پشکداریا ویدا ل ناڤینا رۆژێ ل ئێن ئاڕ تی ڕاگەهاند، ژ داهاتێ ناڤحۆ ١٣٠ ملیار دینار بدەست حکومەتا هەرێمێ کەفتینە.
ئاماژەب وێیەکێ ژی کریە، د نهادا د بازارێن جیهانێدا بەرمیلا پەتڕۆلێ ب ٧٣ دۆلارا دهێتە فرۆتن و پەتڕۆلا هەرێمێ ٨ دۆلاران کێمتر د فرۆشن، بڤێیەکێ ژی هەر بەرمیلەک ب ٦٥ دۆلاران دهێتە فرۆتن و داهاتێ مەهەکا پەتڕۆلێ نیزیکی ٨٠٠ ملیۆن دۆلارن.
هەڤدەم، دەربارەی داهاتێ ب دەست حکومەتا هەرێمێ کەفتی، سەرکۆ ئازاد گوتی، وەزیرێ دارایی ئەشکەرا کر، ژ داهاتێ ناڤخۆیێ نە پەتڕۆلی و خالێن سنوری نێزیکی ٢٨٠ ملیار دینارن و داهاتێ پەتڕۆلێ د دوو مەهاندا ٣٠٠ ملیۆن دۆلار دەستکەفتینە.
سەرکۆ ئازاد بەحسێ وێیەکێ ژی کر، "ب ئەگەرێ نە هنارتنا پشکا هەرێمێ ژ ئالیێ بەغدا ب باوەریا مە داهاتێ پەتڕۆلا حکومەتا هەرێمێ دکاریت موچەی پارڤەبکەت. ئەگەر ئەو گەندەلی و نە شەفافیەت و نە روهنیا هەی د پەتڕۆلێ دا بهێتە کێمکرن دکارن موچەی بێ لێبڕین و د دەمێ خۆ دا بهێتە دان".
دەربارەی جڤینا لژنەیا وان دگەل وەزیرێ دارایی ل پەرلەمانێ کوردستانێ جێبەجێنەکرنا لهەڤهاتنا یاسایا بودجەی ڕاگەهاند، وەزیرێ دارایی ئاماژە ب وێیەکێ کریە، ئەو وەک حکومەتا هەرێما کوردستانێ پابەندە ب ڕادەستکرنا لیستا داهاتێ پەتڕۆلێ و نە پەتڕۆلێ ٥٠% داهاتێ دەرازینکێن سنوری و سازیێن فیدڕالی و ئەڤە ژی ب بەغدا ڕاگەهاندیە.
هەڤدەم، هنارتنا پشکا هەرێمێ دڤێ مەهێ دا و پارڤەکرنا موچەی، وەزیرێ ب لژنا داراییا پەرلەمانی گوتیە، چ زانیاری نینن ژوێ کو بەغدا دێ پارەی هنێریت یان نە، ژبەرکو چ ئیرادەیەک و ئنیەتەکی نینە بۆ هنارتنا پشکا هەرێمێ.
وی ئەندامێ لژنەیا دارایی گوت ژی، "وەزارەتا سامانێن سرۆشتی دبێژیت ٥٣% داهاتێ پەتڕۆلی ڤەدگەریت بۆ وەزارەتا دارایی، لێ ل گورەی وان داتایێن وەزیرێ دارایی دیارکرین ٣١-٣٢% داهاتێ پەتڕۆلی بۆ وەزارەتا دارایی ڤەدگەرن، مە ئاریشە دگەل وێ ٢٠% یا هەی کو نەیا دیارە".
ئەڤە ددەمەکیدایە، ٣١ ئادارا ئەفسالە پرۆژەیێ یاسایا بودجەیا عێراقێ هاتیە پەسەندکرن و تێدا پشکا هەرێمێ ب رێژەیا ١٢.٦٧% ل گورەی هەردوو ماددێن ١٠ و ١١ێ یێن تایبەت ب پشکا هەرێمێ هاتە پەسەندکرن. تێدا حکومەتا هەرێم هاتیە پابەندکرن ب رۆژانە ٢٥٠ هزار بەرمیلێن پەتڕۆلا خاڤ رادەستی کومپانیا سۆمۆ بکەت و ٥٠% داهاتێن نە پەتڕۆلی و دەرازینکێن سنوری رادەستی حکومەتا فیدڕالی بکەت.
هـ.ئـ