فۆتۆ:
2021-06-15
296 جار خوێندراوەتەوە
ل باژێڕێ عەفرینێ ل گوندێ کەفرجنە ترۆمبێلەکا بۆمبەکری هاتە تەقاندن و د ئەنجام دا دوو کەسان ژیانا خۆ ژ دەستدا و چارێن دی ژی برینداربوون.
نووچەگەهانێ ئێن ئاڕ تی ل رۆژئاڤایێ کوردستانێ ڕاگەهاند، ل باژێڕێ عەفرینێ ل گوندێ کەفرجنە ترۆمبێلەکا بۆمبەکری هاتە تەقاندن و د ئەنجامێ وێ تەقینێ دا دوو کەسان ژیانا خۆ ژ دەستدا و چار کەسێن دی ژی برینداربوون، دیارکر ژی، هەیا نها سەدەمێن تەقینا وێ ترۆمبێلێ ناهێنە زانین.
ئاماژە ب وێیەکێ ژی کر، ئەو دوو کەسێن ژیانا خۆ ژ دەستدای ئێک دناڤ ترۆمێلێ بخۆدا بۆ و کەسێ دژی ل جهێ بوویەرێ ژیانا خۆ ژ دەستدایە..
نووچەگەهانێ ئێن ئاڕ تی بەحسا وێیەکێ ژی کر، هەیا نها دیارنەبوویە کێ ئەو تەقینە ئەنجامدایە و ژ ئالیێ کێ ڤەبوویە.
ئەڤە د دەمەکی دایە، ل ٨ی حوزەیرانا ڤێ مەهێ ژی ل باژێرێ عەفرینێ ل گوندێ مەحمودیێ بسەدەما بۆمبەکا چاندی ترۆمبێلەک هاتە تەقاندن لێ دوێ تەقینێ دا چ زیانێن گیانی نەبوون بتنێ زیانێن ماددی هەبوون.
م.م