فۆتۆ:
2021-06-15
592 جار خوێندراوەتەوە
پەیڤدارێ هاتن و چوونا هەولێرێ ڤیدیۆیا بوویەرەکا هاتن و چوونێ بەلاڤکریە، کو دناڤ باژێرێ هەولێرێ دا روویدایە ب وێ سەدەمێ ژی شۆفێرێ تڕۆمبێلێ ژیانا خۆ ژ دەستدا و دووکەسێن دیژی برینداربوون.
فازل حاجی پەیڤداری هاتن و چوونا هەولێرێ نڤیسیە لادانەکا خەلەت دێ بیتە سەدەما بوویەرەکا هاتن و چوونێ و داخازێ دکەت، چ دەمان شۆفێر بێدەنگیا جاددێ و درەنگی شەڤێ و بەرێ سپێدێ ب دەرفەت نەبینن بۆ پابەندنەبوونێ ب یاسایێن هاتن و چوونێ، چونکی ل هەمی دەمان ئەگەر هەیە تڕۆمبێل هەبن، ئەگەر دکێم ژی بن.
ئەو بوویەرە چەوا روویدا؟
بوویەر ل دەمژمێر ٥ی سپێدێ روویدایە لسەر جاددا ٤٠ مەتری نێزیک شوقێن ناز ستی، کو تڕۆمبێلەکا گلایزەر یا تایبەت لادانێ دکەت و لجهێ لادانێ راستەوخۆ دهێتە دناڤ جاددێ دا بێ کو پشتراست ببیت ئەرێ ترۆمبێلەک دهێت یان نە.
فازل حاجی دبێژیت، دگەل لادانێ ئەو ترۆمبێلە کەفتیە سەر ڕێکا ترۆمبێلەکا هیۆندا تۆکسن یا تایبەت، کو ئەوژی گەلەک بلەز دهات و پێکدادانێ روویدایە دناڤبەرا وان دا، هەر دگەل دەما پێکدادانێ هیۆندا تۆکسن کۆنتڕۆل ژ دەستدا و ب ستوینەکا کارەبێ کەفت، پشتی وێیەکێ ب توینەکا کارەبێ کەفتیە و چوویە سەر شوستەی و ب دارێن سەر جاددێ ژی کەفتیە و پاش راوەستیایە.
فازل حاجی نڤیسیە، ژ ئەنجامێ ڤێ (کارەساتێ) شۆفێرێ تۆکسنێ ژیانا خۆ ژ دەستدا و دوو کەسێن دیژی دگەل دابوون برینداربوون، دگەل کەفتنا زیانەکا مەزن ب هەردوو ترۆمبێلا و ستوینا کارەبێ و دارێن سەر جاددێ.
م.م