فۆتۆ:
2021-06-15
1591 جار خوێندراوەتەوە
پشتی کو دوهی خرڤەبوونەکا نەرازیبوونێ یا کاسبکارێن دهۆکێ بڕیڤەچوویی، ئێن ئاڕ تی رۆمالا وێ خرڤەبوونێ کر و داخۆیانیا زارۆکەکێ کاسبکار د تۆڕێن جڤاکی دا کارڤەدان لدیڤ خۆئینان.
ئەو زارۆکێ بۆ ئێن ئاڕ تی دیارکری، ئەو هەژارن و رێک ب وان ناهێتەدان ئەو لسەر جاددەیێ کار بکەن بچاڤێن گریەڤە گووت، بابێ من پێشمەرگەیە و مووچەی نادەنێ، کا بلا نشتەرگەریێ بۆ خۆیشکا من بکەن د ژیاناخۆ هەمیێ دا ناهێمە سەر ڤێ جاددێ کاربکەم.
ڤیدیۆ ئێن ئاڕ تی بەلاڤکریە و د تۆڕێن جڤاکی دا گەلەک کارڤەدان لدیڤ خۆ ئینان، حکومەت و ئیدارەیا خۆجهی یا پارێزگەها دهۆکێ و هندەک رێکخراوان و هژمارەک ژ خەلکێ دهۆکێ ئاماددەیا خۆ نیشان دا کو هاریکار مالباتا وى زارۆکی بکەن، ژبۆ ئەنجام دانا نشتەرگەریا خۆشکا وی.
ئەڤە ژى د دەمەکێ دایە، دوهی هژمارەکا کاسبکارێن دهۆکێ لسەر جاددەیا گشتى بەرامبەر پێشانگەهێن ترۆمێبلان خرڤەبوونەکا نەرازیبونێ ئەنجامدا وەک ئەو دبێژن، ئیدارەیا پارێزگەهێ و باژێرڤانى ناهێلن ئەو لسەر جاددەیێ کاربکەن و رێگرى ل وان دهێتەکرن و دیاردکەن، کارێ وان لسەر کاسبکاریێ یە.
م.م