فۆتۆ:
2021-06-15
687 جار خوێندراوەتەوە
شەڤا دەربازبوی ئارتێشا تورکیا ل دەڤەرا بەرواری بالا یا گرێدای ناحیا کانی ماسێ سێیەم خالا خۆ یا سەربازی ل سنورێ گوندەکێ وێ دەڤەرێ دانا .
نووچەگەهانێ ئێن ئاڕ تی ل سنورێ قەزا ئامێدیێ دیارکر، ئارتێشا تورکیا خالەکا دی یا سەربازی ل سنورێ گوندێ هرورێ ژ ئالیێ رۆژهەلاتا وی گوندی دانایە و بەشەکا وەلاتیێن وی گوندی ئەو چەندە پشتراستکریە کو شەڤا دەربازبوی ئەو خالە ل وی جهی دانایە.
دگەل دانانا ڤێ خالا سەربازی ل سنورێ گوندێ هرورێ ئەڤە دبیتە سێیەم خال، پشتی ئەوا ل پشتا گوندێ ناڤبری ل دەرارێ وکەڤرەسورێ ل روژئاڤایێ وی گوندی هاتینە دانان.
گوندێ هرورێ ئێک ژمەزنترین گوندێن دەڤەرا بەرواری بالایە ودنهادا مەترسیەکا زور ل سەر خەلکێ وی گوندی هەیە ژبەرکو شەڤانە شەر ل وی سنوری دناڤبەرا پەکەکێ وئارتێشا تورکیا پەیدادبیت.
نیهاد ئورەماری، ئامێدیێ
هـ.ئـ