فۆتۆ:
2021-06-15
255 جار خوێندراوەتەوە
ل دەسپێکا مەها ئەیارا ئەڤسالەدا، ڕێڤەبەرێ گشتیێ ئاڤ و ئاڤدێریێ ل هەرێما کوردستانێ ڕاگەهاند، ل گورەی راپۆرتا سالانە؛ باران بارینا ئەڤسالە ٥٠% کێمتر بوویە بهەڤبەرکرن ب سالێن دەربازبووی و هشکە سالیێ هەرێما کوردستانێ ڤەگرتیە.
ل دەستپێکا ڕاگەهاندنا هشکەسالیێ ل هەرێمێ، بەرپرس داخازێ ژ وەلاتیان دکەن زێدە مەزاختنێ د ئاڤێ دا نەکەن.
لڤێرێ دێ چەند رێنمایان دەینە دیارکرن بۆ هەدەرنەدانا ئاڤێ:
١.تڕومبێلا خۆ ل مال نەشۆ بزاڤان بکە ببە شویشتنگەهێ.
٢.لدەمێ شویشتنا دەستێن خۆ ب سابینی و لسەر ئێک د خشینی، حەنەفیێ نەهێلە ڤەکری.
٣.لدەمێ شویشتنا ددانان ئاڤێ نەهێلە ڤەکری.
٤.لدەمێ سەرشیشتنێ دا نەهێلە ئاڤ ب بێ بکارئینان بچیت.
٥.لدەمێ ژدەرڤەی و تە ئاڤ کربیتە دناڤ بتلی دا، بزاڤان بکە ئاڤێ تەمام کە، ئەگەر ئاڤ تەمام نەبوو نەهاڤێژە و ئاڤێ بڕێژە بن داراەکێ یان شتلەکی و پاشی بتلی بهاڤێژە.
٦.بزاڤان بکە پاشماوەیێن ئاڤا ڤەخارنێ ل مالێ ب هەدەر نەدە و نەهاڤێژە ئاڤرێژی، بەلکو یا باشتر ئەوە ئەگەر بکاری ل جهەکی کومبکەی و پشترا بکەیە ناڤ باخچێ مالا خۆ.
٧.لدەمێ شوشتنا حەوش و مالێ دا ئاڤێ زێدە بکار نەئینە و بزاڤان بکە ب کێم ئاڤێ کارێ خۆ جێبەجێبکە.
٨.دکاری سیستەمێ دلۆپاندنێ بۆ ئاڤدانا باخچێ مالێ بکاربینی.
هـ.ئـ