فۆتۆ:
2021-06-14
878 جار خوێندراوەتەوە
هونەرمەند شڤان پەروەر ڕاگەهاند، پێتڤیە هەمی ئالیێن کوردی پێشمەرگەی وەک گەریلا و گەریلا ژی وەک پێشمەرگەی بدانن، دبێژیت ژی، "ئەردۆغانی ١٠ سالان لسەر ئێک داخاز ژمن کر بچمە باکورێ کوردستانێ و تورکیا و دگوت، بلا ئێدی ئەم ژوە نەکوژین و هوین ژی ژمە نەکوژن".
شڤان پەروەر هونەرمەندێ باکورێ کوردستانێ ل بەرنامەیێ تاوتوێیا ئێن ئاڕ تیدا ڕاگەهاند، ئەردوغانی ١٠ سالان لسەر ئێک داخاز ژمن کر بچمە باکورێ کوردستانێ و تورکیا دبێژیت، وان گوتی گەلێ کورد مافێ خۆ هەیە و دڤێت تورکیایەکا دیموکرات بنیاتبنێن.
بەحسا وێیەکێ کر، ئەردۆغانی دانپێدان ب هەبوونا کوردستانێ کریە و ئەوژی ژ ئالیێ پەکەکێ "پارتا کرێکارێن کوردستانێ" و دەرڤەی پەکەکێ رەخنە لێ هاتینەگرتن ژوێ، بانگەشە بۆ ئاکپارتی "پارتا داد و گەشەپێدانا ئەردۆغانی" کریە، دیارکر، ئەردۆغان ژ بەلێنێن خۆ پەشێمان بوویە.
گوت ژی، میت و دەزگەهێن ئیستخباراتێن وەلاتێن جیران دناڤ پتریا حزبێن کوردی دا هەنە و پشتەڤانیا ئالیێن کوردی دکەن لدژی ئێک بکاردئینن، دیارکر ژی، تورکیا دڤێت دەستپێکێ پەکەکێ ژناڤ ببەت و پشتی وێیەکێ حزبێن دیێن باشوری ژناڤببەت.
دەربارەی هونەرێ کوردی شڤان پەروەر دبێژیت، هونەرێ کوردی بسەدەما وێیەکێ کو خۆدان چەند شێوازەکایە هونەرەکێ دەولەمەندە، لێ بسەدەما وێیەکێ کو کوردستان هاتیە پارڤەکرن بسەر چار وەلاتان دا، کۆدەنگی دناڤبەرا هونەرمەنداندا نینە، ژبەر وێیەکێ دڤێت هونەرێ کوردی هونەرەکێ نەتەوەیی بیت.
شڤان پەروەر هونەرمەندەکێ بەرنیاسێ باکورێ کوردستانێ یە و ل سالا ١٩٥٥ێ ل پارێزگەها روحا ژ دایکبوویە و ژ سالا ١٩٧٤ێ وەرە دەست ب کارێ هونەری کریە و هەیا نهاژی بەردەوامە و خۆدانێ ١٩ ئەلبوومایە.
م.م