فۆتۆ:
2021-06-14
327 جار خوێندراوەتەوە
رێڤەبەرێ گشتیێ بازرگانی ل هەرێمێ ل وەزارەتا بازرگانی و پیشەسازی ڕاگەهاند، د جڤینا هەردوو وەزارەتێن چاندنێ یێن حکومەتا فیدڕال و هەرێما کوردستانێ دا بڕیار هاتەدان بۆ ئەڤسالە کۆژمێ ٣٧٥ هزار تەنێن گەنمی ژ جوتیارێن هەرێمێ وەربگرن.
ئەڤرۆ دووشەمبی، نەوزاد شێخ کامیل ڕێڤەبەرێ گشتیێ بازرگانیا هەرێمێ ل وەزارەتا بازرگانی و پیشەسازی د ڕاگەهاندنەکی دا بەلاڤکریە، بۆ ئەڤسالە کۆژمێ ٣٧٥ هزار تەنێن گەنمی ژ جوتیارێن هەرێمێ ژ ئالیێ عێراقێ ڤە دێ هێنە وەرگرتن، بۆ وێ مەرەمێ ژی سایلۆیێن هەرێمێ ئامادەکاری کرینە بۆ وەرگرتنا وی کۆژمێ گەنمی.
دوهی ژی، کەمال موسلیم وەزیرێ بازرگانیێ ھەرێمێ بۆ ڕۆپەلا فەرمی یا پارتی ڕاگەهاندبوو، "هەیا نها مە دەست ب وەرگرتنا گەنمێ جوتیاران بۆ ئەڤسالە نەکریە، چونکی بابەتێ وەرگرتنا گەنمی پێتڤیە دەستپێکێ وەزارەتا چاندنێ یا عێراق بڕیارێ بدەت دا بزانین دێ چەند گەنمی ژمە وەرگرن"، گوتبوو ژی، د چەند سالێن دەربازبووی دا د مەها نیسانێ دا رێژە دهاتە دیارکرن و گەنم وەردگرت، لێ ئەڤسالە هەیا نها ئەو رێژەیە نەهاتیە دیارکرن.
م.م